د امنیت شورا له خوا په طالبانو لګیدلې تورونه
د ملګرو ملتونو د امنیت شورا د بندیزونو کمېټې په خپل نوي راپور کې د طالبانو پر موقته حکومت ګڼ تورونه لګولي.
د دوحې تړون خلاف ورزي، د مخالفانو ځپل، قومي او استبدادي سیاست ته مخه کول او د لومړۍ دورې وضعیت ته بیا ستنیدل، د نشه ایزو توکو په کاروبار کې د لوړپوړو طالب مشرانو لاس لرل، له القاعدې او پاکستاني طالبانو سره نزدې اړیکې او ترې ملاتړ، د واک پر سر د کابل مېشتو او کندهار مېشتو طالبانو اختلافات، په افغانستان کې د پاکستاني طالبانو او القاعدې ډلو موجودیت او دلته یې د جنګي وړتیاوو لوړیدل د دغو تورونو عمده ټکي دي.
په راپور کې طالبانو ته له دغو تورونو د لیرې کیدو سپارښتنې شوي.
طالبانو په دې اړه غبرګون نه دی ښودلی، خو د دوی پر ضد د مقاومت جبهې په نوم جنګي ډلې یې هرکلی کړی.
د مخکني ولسمشر اشرف غني لومړي مرستیال امرا... صالح بیا ویلي، چې طالبان په بیانیو او سپارښتنو نه بدلیږي او د دوحې تړون لابي کوونکي باید د دغې ډلې پر ملاتړ وشرمیږي.
