د روسیې د ولسمشر ویاند:
د اوکراین د بحران هوارول ناممکنه ده
د روسیې د ولسمشر ویاند ویلي چي د اوکراین د شخړو سوله ایز حل د کی یف د ځېلناک دریځ د امله ممکن نه دی.
د روسیې د ولسمشر ویاند دیمیتري پسکوف د دې په بیانولو چي اوکراین ته د امریکا او د اروپایي هیوادونو امنیتي تضمینونه به د روسیې لپاره امنیتي ګواښ وي خبرداری ورکړ چي دا ډول کړچار به د اروپا په امنیتي حالاتو هم ناوړه اثر وکړي.
پسکوف وویل: د روسیې په غیرنظامي مرکزونو باندې د کی یف د رژیم پرلپسې بریدونه، د دغه رژیم د ترهګریز ماهیت ښودنه کوي.
ټاکل شوې چي په راتلونکې میاشته کې د اوکراین او روسیې تر مینځ د سولې په هکله په عربستان کې د ۲۳ هیوادونو د مشرانو په ګډون یوه ناسته وشي.
د روسیې د بهرنیو چارو د وزارت ویندویې ماریا زاخاروا ویلي چي د عربستان غونډه یوازې هغه وخت ګټه کوي چي په کښې د اوکراین د ولسمشر زلنسکې له لورې د سولي د وړاندې شوې طرحې د ناکامی په هکله لوېدیځو هیوادونو ته قناعت ورکول شي.
