روسیې د امریکا او د ارمنستان مانورې ته غبرګون وښود
ایرنا خبري اژانس راپور راکړی د روسیې د بهرنیو چارو وزیر سرګي لاوروف له امریکا سره د ارمنستان د ګډې پوځي مانورې ترسره کیدا ته د ماسکو د چارواکو د غبرګونونو په دوام کښې د ایروان دغه اقدام د خواشینۍ سبب وباله.
د ارمنستان دفاع وزارت د تیرې اونۍ په چهارشنبې ورځ وویل د جنوبي قفقاز دغه هیواد به د امریکا په شتون سره د ۲۰۲۳ میلادي کال د ایګل پارټنر په نوم پوځي مانوره د سپتمبر د میاشتې له یولسمې څخه تر شلمې نیټې پورې ترسره کړي.
د روسیې خارجه وزیر لاوروف ټینګار وکړ ماسکو جنوبي قفقاز سیمې ته د نفوذ لپاره د یوه جنګ غواړي هیواد( امریکا) په هڅې کښې مثبت ټکی نه وینی او عقیده لري چې دغه موضوع د ارمنستان هیواد په شمول د هیڅ هیواد لپاره ګټه نلري.
سرګي لاوروف وویل روسیه جنوبي قفقاز سیمې ته د نفوذ لپاره د ناټو د هڅو د مثبتو نتیجو اټکل نه کوي.
د کریملین ماڼۍ ویاند دیمیتري پسکوف هم په تیرې چهارشنبې ورځ خبریالانو ته وویل چې د امریکا او د ارمنستان د ګډې پوځي مانورې د ترسره کولو لپاره د ایروان پروګرامونه په اوسنیو شرایطو کښې د ناوړه شک د رامینځته کیدا سبب ګرځي.
په عین حال کښې د روسیې خارجه وزارت وړمه ورځ د ارمنستان د ماسکو ضد اقداماتو وروسته د دغه هیواد سفیر احضار کړ.
د روسیې چارواکي باوري دي چې له امریکا سره د ګډې پوځي مانورې د ترسره کولو لپاره د ارمنستان پلان په قفقاز سیمه کښې بې ثباتۍ ته لمن وهي.
