چین او عربستان ګډه سمندري مانوره کوي
ایسنا خبري اژانس راپور راکړی د چین او د سعودي عربستان سمندري ځواکونه راتلونکي میاشت ګډه پوځي مانوره ترسره کوي.
د چین د دفاع وزارت ویاند«ووقیان» وویل «د دوه زره درویشتم د اوبو د تورې »په نوم له عربستان سره د چین ګډه سمندري پوځي مانوره به په راتلونکي اکتوبر میاشت کښې د «ګوانګ ډونګ »ولایت په« ژانژیانګ» اوبو کښې ترسره شي.
د چین د دفاع وزارت ویاند وویل دغه پوځي مانوره د هیواد د سرحدونو بهر له سمندري ترهګرۍ سره د مقابلې په عملیاتو ، د سنایپر تاکتیکونو په تمرینولو ، کشتۍ چلونو ، د هیلي کوپټرونو په کوزولو او د ژغورنې د ګډو عملیاتو په ترسره کولو باندې تمرکز لري.
هغه وویل چین او عربستان اراده لري د دواړو هیوادونو د پوځونو ترمینځ عملیاتي او دوستانه ملګرتیاوې ژورې کړي او د ځواکونو لپاره د عملي روزنې سویه پیاوړي کړي.
چین او عربستان مخکې په دوه زره نولسم میلادي کال کښې هم ګډه پوځي مانوره ترسره کړي وه.
