امریکا کښې یوه شپه کښې ۱۰۰۰ مرغان ووژل شول
زمونږ خبریال راپور راکړی د امریکا په شیکاګو ښار کښې له شیشو جوړې یوې ودانۍ سره د ټکریدا په خاطر په یوه شپه کښې کابو زر(۱۰۰۰) مرغان ووژل شول.
د شیشو دغه ودانۍ د شمالي امریکا تر ټولو ستر کنونشن سنټر یعني میک کارمیک پیلیس دی کوم چې اوس د کابو زرو مرغانو د وژل کیدا سبب شوی دی.
رسنیو وویل چې مرغان له شیشو د جوړې ودانۍ د شفافې فضا په ګڼلو سره له دغه عمارت سره جنګیږي او بیا غورځیږي او مري.
د چاپیریال د ساتنې یوه کارپيژاند ډګلس اسټوټز وویل هرکال له میک کار میک پیلیس ودانۍ سره د ټکر له کبله له زرو څخه تر دوه زره مرغان مړ کیږي.
د ویلو ده چې په ۲۰۱۹ میلادي کال کښې د امریکا د کورنیل پوهنتون د ارنیتهولوجي لیبراتور په یوه تحقیق کښې دغه خبره معلومه شوي وه چې په امریکا کښې هر کال له ودانیو سره د ټکریدا له کبله کابو شپږسوه میلیونه مرغان مري او په دې زمینه شیکاګو ، هوسټن او ډیلاس د امریکا تر ټولو خطرناک ښارونه دي.
