اټومي انرژۍ نړیوال اژانس د اسرائیلو په هکله بې تفاوته دی
فارس خبري اژانس راپور راکړی د روسیې د بهرنیو چارو د وزارت ویاندې ماریا زاخاروا د فلسطین د غزې تړانګې پرضد د اټومي بمباریو لپاره د صهیونیسټ رژیم د میراث د وزیر وروستیو څرګندونو او غوښتنې ته غبرګون وښود.
د صهیونیسټ رژيم د یوه وزیر لخوا په غزې تړانګې باندې د اټومي بمباریو لپاره غوښتنې ته د نړیوالو غبرګونونو په دوام کښې د روسیې د خارجه وزارت ویاندې ماریا زاخاروا پوښتنه وکړه ایا تل اویو د اټومي وسلو په لرلو اعتراف کړی دی؟
هغې نن وویل په اسرائیلو کښې د اټومي وسلو په هکله څرګندونې د اسرائیلو د اټومي وسلو د سلاکوټ په هکله ډيرې پوښتنې رامینځته کوي.
زاخاروا وویل نړیوالې موسسې چیرته دي چې مونږ په اسرائیلو کښې د اټومي وسلو د شتون په هکله رسمي څرګندونې اورو؟ اټومي انرژۍ نړیوال اژانس او د هغه پلټونکي چیرته دي؟»
د صهیونیسټ رژیم د میراث وزیر« عمیخاي الیاهو» په تیرې دوشنبې ورځ په یوې ټيلي ویژنې وینا کښې وویل په غزې باندې د اټومي بم غورځول یوه لاره چاره ده.
د بنیامین نتانیاهو د کابینې دغه وزیر د صهیونیسټ رژيم دوهم حکومتي چارواکی دی چې په تیرو څو ورځو کښې یې په غزې تړانګې باندې د اټومي بمباریو غوښتنه کړي ده.
