د روسیې په پارلماني ټاکنو کې «متحده روسیه» مخکښه ده

د روسیې د مرکزي ټاکنو کمېسیون د لومړنیو اعلان شویو پایلو له مخې، د دغه هېواد واکمن «متحده روسیه» ګوند د پارلماني ټاکنو په سیالۍ کې مخکښ دی.

د لومړنیو پایلو له مخې، «متحده روسیه» ګوند ۵۷،۲۶ سلنه رایې ترلاسه کړې او لومړی ځای یې خپل کړی دی.

د روسیې کمونیست ګوند د ۱۳،۸۴ سلنه رایو په ترلاسه کولو سره دویم ځای لري.

دا شمېرې د روسیې د مرکزي ټاکنو کمېسیون له لوري د اعلان شویو لومړنیو پایلو پر بنسټ دي.