ورځپاڼو ته کتنه ۷-۷-۹۵

ګرانو او قدرمنو دوستانو د سلامونو په وړاندې کولو سره ورځپاڼو ته کتنه نومې پروګرام سره ستاسو په خدمت کښې یوو.

د تهران چاپ اطلاعات ورځپاڼې ولیکل، د ایران د اسلامی جمهوریت ولسمشر ډاکټر حسن روحانی وویل،خلقو ته حقائق بیانول له ملی پروګرامونو څخه د هغوی د ملاتړ زمینه برابروونکی دی.

----

ورځپاڼې د نظام  د مصلحت د تشخيص د شورا د مشر آیت ا... هاشمی رفسنجانی له قوله ولیکل، هنرمندانو او شاعرانو ته پکار دی د جنګ د دوران یاد لکه د شاهنامې د تل لپاره ژوندے وساتی.

-------

ورځپاڼې د اسلامی ایران د بهرنیو چارو  د وزارت د ویاند بهرام قاسمی له قوله ولیکل، د سیمې ځینو هېوادونو ته پکار دی  خپل سټراټیجک اشتباهات او غلطۍ اصلاح کړی.

-------

ورځپاڼې ولیکل، د ایران د اسلامی جمهوریت د بهرنیو چارو د وزارت د حقوقی او نړیوالو چارو مرستیال سید عباس عراقچی وویل، نړیوالې ټولنې ته پکار  دی چې د اېټمی بې وسلې کولو لپاره ټاکلے وخت ولری.

------

اطلاعات ورځپاڼې د ایران د بهرنیو چارو د وزیر د مرستیال حسېن جابری انصاری په حوالې سره ولیکل، د ایران سیاست په سیمه کښې جنګ جګړې او تاوتریخوالے نه دے. هغۀ زیاته کړه، سعودی  کلونه وشول له خپلو چار چاپېره حقائقو سره جنګیږی او په نیابتی توګه او د ترهه ګرو ډلو له لارې دغه کار کوی.

---------

ورځپاڼې د ایرانی او پاکستانی سرچینو له قوله ولیکل، د ایران د اسلامی جمهوریت څلور سمندری جنګی بېړۍ د پاکستان کراچۍ بندر ته ورسېدې او هلته کښې یې د پاکستان د سمندری ځواک لوړ رتبه فوځی چارواکو هرکلے وکړ.

-------

اطلاعات ورځپاڼې ولیکل، د ایران اسلامی جمهوریت او اېټالیا پرون د فارس خلیج په اوبو کښې ګډ سمندری مشقونه وکړل.

----

ورځپاڼې د اسلامی ایران د کورنیو چارو د وزیر عبدالرضا رحمانی فضلی له قوله ولیکل، د امام حسېن (ع) د شهادت په څلوېښتۍ کښې د ګډون لپاره عراق ته تلونکی کسان دې د عراق ویزه ولګوی.

-------

ورځپاڼې ولیکل، فلسطین مقاومت د غزې په تړانګه کښې د دوو نویو توغندیو د مخ کتنې مراسم ترسره کړل.

------

اطلاعات ورځپاڼې د لبنانی سرچینو له قوله ولیکل، د دغه هېواد د حزب ا... غورځنګ مشر سید حسن نصرا... وویل، وهابیت په نړۍ کښې د اسلامی سپېڅلې څېره خړه پړه او بدنامه کړې ده.

------

ورځپاڼې د  افغانستان د رسنیو له قوله ولیکل په قندوز کښې یو نفوذی طالب دولس تنه افغان ځواکونه په ډزو سره ووژل او له ځایه وتښتېدۀ.

------

ورخپاڼې د سعودی سرچینو له قوله ولیکل، د دغه هېواد باچا شېخ سلمان د هېواد د د اقتصادی حالت د سخت کمزوری کېدو له مخې د وزیرانو او نمائندګانو د تنخواګانو د کمولو حکم جاری کړ.

------

ورځپانې د یمنی سرچینو له قوله ولیکل، د یمن په صعده سیمه کښې په یو کور باندې د سعودی جنګی الوتکو په وحشیانه بمبارۍ کښې د یو څو ماشومانو او ښځو په شمول د یوې کورنۍ لس غړی ووژل شول.

-----

ورځپاڼې د ترکیې د رسنیو له قوله ولیکل، د دغه هېواد حکومت له ګولن ډلې سره د ارتباط په تور د ملی امنیت د ادارې اوۀ اتیا غړی څنګته کړل.

------

ورځپاڼې ولیکل، په بغداد کښې د بمی چارودنو له امله اتلس تنه مړۀ او په لسګونو نور ژوبل شول.

------

اطلاعات ورځپاڼې په یو بل خبر کښې ولیکل، د جرمنی سډن ښار کښې په یو جومات او د نړیوال غونډو په یو مرکز کښې د بم چاودنې رامنځته شوې چې سرتاوانونه یې نه دی لرلی.

------

ورځپاڼې ولیکل، د هند توپونو په پاکستانی سیمو باندې ګوله باری وکړه.

-------

د تهران چاپ جمهوری اسلامی ورځپاڼې د ایران د اسلامی جمهوریت د ټولو قواو د معظم مشر د مرستیال جنرل سیدحسن فیروزآبادی له قوله ولیکل، که آل سعود څه غلطه لاس پښه وخوزوله نو په نړۍ کښې به د هغوی او وهابیت څه نوم او نښان پاتې نه شی.

--------

 ورځپاڼې د سوریې د سرچینو له قوله ولیکل، د دغه هېواد په حلب سیمه کښې د دغه هېواد د فوځی او ولسی ځواکونو پرمختګونو د ترهه ګرو ملاتړی سخت اندېښمن کړی دی.

------

ورځپاڼې ولیکل، د امریکې او اروپا یو شمېر مشهورو رسانه ای،پوهنتونی، اکاډېمکو د او بشری حقوقو څلور شپېتو شخصیتونو د ملګرو ملتو مشر ته په یو لیک کښې ولیکل، د بحرېن د آل خلیفه رژیم جنایتونه د نړیوالو قوتونو او د بشری حقوقو د مدعیانو په ملاتړ سره ترسره کیږی.

-----

ورځپانې د ایران ملی امنیت د شورا د سېکتر علی شمخانی د سوریې د پارلېمان له مشرې مېرن هدیه خلف عباس سره په کتنه کښې په سوریې کښې له ترهه ګرو ډلو څخه د امریکې څرګندونو مالی او فوځی ملاتړونو ته په اشارې سره وویل، د موجوده بحران د ختمولو یوازېنۍ لار د سوریه والو ترمېنځ د خبرو اترو دوام دے.

--------

ورځپاڼې ولیکل، د ایران د اسلامی جمهوریت د نفوسو شمېر له اتیا میلنو واوړېدۀ.

-------

د پاکستان چاپ دنیا ورځپاڼې ولیکل، د دغه هېواد د تحریک انصاف ګوند مشر عمران خان نن د لاهور خلقو ته د رائېونډ په لور د لاریون کولو بلنه ورکوی.

--------

ورځپاڼې ولیکل، د پاکستان د وزیراعظم نواز شریف وکیل د پانامه لیکس په لړ کښې د انتخاباتو د کمېشن د سماعت چوکاټ چېنلج کړ.

---------

ورځپاڼې ولیکل، د پاکستان د پنجاب صوبې د پارلېمان مخې ته د کروند ګرو پرلت غزونه نن په دویمه ورځ هم دوام موند.

------

دنیا ورځپاڼې ولیکل، د دوه اتیا ورځو له تېرېدو سره د هندتر کنټرول لاندې کشمیر کښې د هندی ځواکونو لخوا د کشمیریانو د ځپلو سلسله هم هغه شان دوام لری.

--------

ورځپاڼې د تحریک انصاف ګوند د مشر عمران خان له قوله ولیکل، که حکومت نیول شوی کرونده ګر ازاد نه کړل نو سخت اقدام به وکړی.

------

ورځپاڼې ولیکل، د امریکې د راتلونکو انتخاباتو د نامزدانو په وړومبۍ مباحثه کښې مېرمن هېلری کلېنټون په ټرامپ باندې برتری حاصله کړه.

-------

دنیا ورځپاڼې ولیکل په شام کښې د دغه هېواد فوځی ځواکونو په حلب کښې د ترهه ګرو مرکز د هغوی له قبضې ازاد کړ. چې پکې ترهه ګرو ته سخته مرګ ژوبله رسېدلې او  ډېر تښتېدلی دی او په سیمه کښې د سوریې د ځواکونو پرمختګ روان دے.  

---------

د کابل د نن چاپ ورځپاڼو د ملی یووالی حکومت د دوام او له حزب اسلامی سره د سولې د تفاهم لیک پر موضوع مطالب خپارۀ  کړی دی.

سرخط ورځپاڼې لیکلی دی، عبدالله عبدالله د برخلیک په افت اخته دی او ده تیرې اووه میاشتې د خپل برخلیک پر مسئلې تېرې کړی دی.

--------

چراغ ورځپاڼې خپله لیکنه له حزب اسلامی سره د سولې موضوع ته ځانګړی کړی او ویلی یې دی چې له ګلبدین حکمتیار سره د دولت توافق ائتلاف دی نه سوله.

د لیکوال په باور له حکمتیار سره سوله هم موافقین لری او هم مخالفین خو د سرمقالې لیکوال په دې اړه چې دا توافقنامه ولې سوله نه بلکې ائتلاف دی څه نه دی ویلی.

-------

دې ورځپاڼې په خپل لومړی مخ کې په یوه جلا مطلب کې لیکلی چې د طالبانو د ملا رسول ډلې له افغان دولت سره د حزب اسلامی د سولې د تفاهم لیک ملاتړ کړی دی او دا چې حکمتیار له افغانستانه د بهرنیو ځواکنو د وتلو پر مهال‎ویش ټینګار کړی دا یې ستایلی دی.

-------

ویسا هم له حزب اسلامی سره د سولې د مسئلې په اړه لیکنه کړې او ویلی یې دی چې سبا به په ارګ کې په یوه لویه غونډه کې د ولسمشر غنی او ګلبدین حکمتیار ترمنځ د سولې تفاهم‎لیک لاسلیک شی.

ورځپاڼه زیاتوی که دا تفاهم‎لیک سم عملی شی، په مناسب ډول پر مخ ولاړ شی او دواړه لوری په هوښیارۍ او مسؤلیت سره عمل وکړی دا یو ډېر مهم او لوی ګام دی.

د لیکونکی په خبره که پورتنیو ټکو ته پام وشی دا تفاهم په لویه پروسه بدلیدای شی او په افغانستان کې به روانه بدمرغه جګړه هم پای ته ورسوی.

----