امریکایی ایتلاف په سوریه کې په لسګونو بې ګناه کسان ووژل
د سوریې سرچینو د دغه هیواد په شمال کې په رقه ښار د امریکای ایتلاف په هوایي حمله کې د لسګونو سوري ښاریزو د وژل کیدو خبر ورکړ.
العالم چینل د سوریې د سرچینو له قوله راپور ورکړ په الرقه ښار د امریکایی ایتلاف په پرونۍ حمله کې شپږ دیرش ملکي کسان مړه او کابو پنځوس ژوبل شول.
د داعش له ترهه ګرو سره د مبارزې په پلمه د سوریې په مختلفو سیمو د امریکایی ایتلاف د جنګي الوتکو په حملو کې تر اوسیه په سلګونو ملکي کسان مړه او ژوبل شوې دی. امریکایی ایتلاف تراوسه د دغه حملې په هلکه څه نه دي ویلې .
په عین حال کې وویل شول چې د سوریې کردو ځواکونو په دغه هیواد کې د داعش ترهه ګرو د غونډیو تر ټولو د لوی مرکز یعنې رقې د نیم ښار کنټرول په لاس کې اخستی دی. یو بل خبر وایي چې د حمص ولایت په ختیځ کې د البغیلیه کلي د سوریې د ځواکونو په حمله کې دغه کلی له داعشي ترهه ګرو واخستل شو.
د سوریې دفاع وزارت پرون وویل چې په دغو عملیاتو کې یوشمیر ترهه ګر مړه او ژوبل شول او د هغوی یو لړ سازو سامان له مینځه لاړ.
له عراق سره په پولو او ځینو نورو سیمو کې د داعش ترهه ګرو په خلاف د سوریې د پوځ عملیات روان دي.
