امریکا او اسرائیل په سیمه کښې دوامداره جنګ غواړی

پریس ټی وی چینل راپور راکړ دامریکا دسیاسی چارو شناند اسټیفن لینډمین وویل امریکا او صهیونیسټ رژیم په مینځنی ختیځ کښې ارامښت نه غواړی او په دغه سیمه کښې د نا ختمیدونکوجنګونو ملاتړ کوی .

هغه له تل ابیب څخه بیت المقدس ته  د امریکا د سفارت د انتقالولو لپاره د ولسمشر ډونالډ ټرمپ فیصلې ته په اشارې سره وویل صهیونیسټ رژیم او امریکا په سیمه کښې د صلحې ملاتړ نه کوی ځکه صلح د دوې له امپریالیسټی هدفونو سره په تضاد کښې ده .

ښاغلی اسټیفن لینډمین وویل د امریکا د ولسمشر ټرمپ د صلحې ادعا یوازې دصهیونیسټ رژیم  سیاسی اړتیاوې پوره کوی  او دفلسطین خلکو ته هیڅ شی نه ورکوی .

دامریکا د ولسمشر ډونالډ ټرمپ حکومت له تل ابیب څخه بیت المقدس ته دخپل هیواد دسفارت دانتقالولو لپاره د اسرائیلو د رژیم د لومړی وزیر بینامین نتانیاهو د فلسطین ضد دپلان په چوکاټ کښې ویلی دی اراده لری دامریکا سفارت له تل ابیت څخه بیت المقدس ته انتقال کړی .

نړیوالې ټولنې او دفلسطین خلکو  دامریکا او صهیونیسټ رژیم دغه پلان ته سخت غبرګون ښودلی دی .