د وینې د تویدادمخنیوی لپاره له پاکستان سره خبرې اړینې دی

زمونږ خبریال وایی د هندوستان تر کنټرول لاندې د کشمیر اعلی وزیرې میرمن محبوبه مفتی (Mehbooba Mufti)چې د دغه هیواد له سخت دریځه ګوند بهارتیا جنتا ګوند سره ائتلافی ده یو(۱) زړور اقدام واخیست او دکشمیر په اړه یې د پاکستان او دهندوستان د دوه اړخیزه خبرو اترو پرضرورت ټینګار وکړ

هغې  وویل که چیرې مونږ غواړو د وینې تویدل پاې ته ورسیږی نو  دکشمیر په اړه له پاکستان سره خبرې ضروری دی .

د هندوستان ترکنټرول لاندې دکشمیر اعلی وزیرې محبوبه مفتی وویل مونږ باید  له پاکستان سره خبرې وکړو ځکه چې جنګ یو(۱) انتخاب نه دی .

هغې په عین حال کښې دخپلو څرګندونو په اړه دهندوستان د  رسنیو له لورې د سخت غبرګون په اړه اندیښنه هم څرګنده کړه خو ویې ویل  زه هغه شی چې حقیقت وی بیانوم او دا زما اراده ده .

د هندوستان ترکنټرول لاندې د کشمیر اعلی وزیرې محبوبه مفتی وویل زه پوهیږم چې دهندوستان رسنۍ او خبریالان به ما د هیواد پرضد وبولی خو دا  هیڅ خبره نه ده .

هغې وویل دجمو او کشمیر سیمې خلک کړیږی .

دهندوستان تر کنټرول لاندې دکشمیر اعلی وزیرې محبوبه مفتی دغه څرګندونې په کشمیر کښې د پوځ په یوه مرکز د حملې په درشل کښې کړی دی چې پکښې پینځه(۵) عسکر او یو (۱)ملکی وژل شوی وو .

په دغه حملې کښې درې وسله وال کسان هم وژل شوی .

دغه راز دهندوستان دفاع وزیرې میرمن  نیرمالا سیتارامان(Nirmala Sitharaman) وویل پاکستان به د هند ترکنترول لاندې کشمیر کښې دپوځ په مرکز د حملې بیه ورکړی .

هغې وویل دهندوستان استخباراتی معلومات ښیی چې ترهګر له سرحد وراخوا ( په پاکستان کښې ) دځینو کسانو لخوا کنټرولیږی .