د اردن حکومتي کابینې په جمعه استعفا ورکړه

د اردن د حکومتي کابینې غړو د کابینې د اصلاح او د وزیرانو د بدلیدو په خاطر استعفا ورکړه.

د اردن د وزیراعظم هاني الملقي کابینې نن غونډه وکړه چې پکښې ټولو وزیرانو خپله استعفا وزیراعظم ته وړاندې کړه.

ټاکل شوې ده چې د کابینې له معرفۍ وروسته نوي وزیران د اردن د باچا دویم عبدا... په وړاندې لوړه وکړي.

د اردن وزیراعظم هاني الملقي د ده په سیاستونو په تیره بیا د ګرانۍ په لړ کښې له شویو ولسي اعتراضونو سره سره وتوانید چې یوځل بیا له پارلیمان څخه د اعتماد راې ترلاسه کړي.

هغه د خپل حکومت په سیاستونو باندې د ولسي اعتراضونو په غبرګون کښې ویلي وو چې هیڅکله به د هیواد مصلحیت د ولسي محبوبیت له ترلاسه کولو ځار نه کړي.