دامریکا څو سیناتورانو د منافقینو ډلګۍ ملاتړ وکړ

فارس خبری اژانس وایی دامریکا دمشرانو جرګې سینا(Senate) څو غړیو د منافقینو دترهګرۍ ډلګۍ په ټول کښې له دغه ډلګۍ سره د ډیرو مرستو خبر ورکړ او له ولسی جرګې کانګرس او حکومت یې وغوښتل دایران داسلامی جمهوریت د حکومت پرضد خپلې هڅې زیاتې کړی .

دامریکا دمشرانو جرګې سینا غړیو یعنی  د ریپیلیکن ګوند سناتور جان بوزمین(John Boozman) او د ډیموکراټ ګوند سناتور بین کارډین(Ben Cardin) څو ورځې مخکې د مشرانو جرګې په یوې(۱) ودانۍ کښې د منافقینو ترهګرۍ ډلګۍ ته اړونده کسانو ته وینا وکړه .

د امریکا د میری لینډ ایالت وسیدونکی سناتور کارډین(Ben Cardin) په خپلې وینا کښې دایر ان داسلامی جمهوریت پرضد د ستراتیژیک پروګرام خبره وکړه او ویې ویل د مشرانو جرګې دبهرنیواړیکو په کمیټۍ کښې زما غړیتوب  ماته دغه امکان راکوی چې دبشری حقوقو له حربې څخه په ایران دباو راوړم .

دامریکا پخوانی سناتور او دمنافقینو ډلګۍ یوه (۱)ملاتړی جولیبرمین(Joe Lieberman) هم دایران په ځینو ښارونو کښې څو میاشتې مخکې بلواو کښې د منافقینو ډلګۍ رول ته  په اشارې سره  ادعا وکړه اوس دامریکا دحکومت او ولسی جرګې کانګرس لپاره ښه فرصت رامینځته شوی دی چې د ایران دحکومت دبدلولو لپاره کوشش وکړی .

د منافقینو دترهګرۍ ډلګۍ مشرې «مریم رجوی» څه موده مخکې دعربستان له  «عکاظ » ورځپاڼې سره په مرکه کښې ویلی وو منافقینو ته اړونده د نافرمانۍ مرکزونو دایران په ځینو ښارونو کښې په وروستیو ناکراریو کښې مهم رول ولوبوه .