له صهیونیست رژیم سره د اړیکو له رغولو سره د پاکستان مخالفت
پارس تودی- د پاکستان دفاع وزیر وویل چي له صهیونیست رژیم سره د اړیکو د رغولو له هوکړې سره، یو ځای کېدل د پاکستان له ټولنیزو او سیاسي باورونو سره په ټکر کې دی.
د پارس تودی له راپور سره سم، د پاکستان دفاع وزیر «خواجه محمد آصف» جوته کړه: باید له هیڅ داسي هوکړې سره ژمن نه شو چي د پاکستان له بنیادي مفکورې سره په ټکر کې دی.
هغه زیاته کړه: څرنګه له داسي کسانو سره یو ځای کښېنو چي حتي د یوې ورځې لپاره هم پرې باور نه شي کېدای، دا زمونږ لپاره د منلو وړ نه دی.
د پاکستان دفاع وزیر یادونه وکړه چي د پاکستان د خلګو په پاسپورټونو باندې د اسرائیلو نوم نه دی ذکر شوی او مونږ هیڅ داسي دریځ نه لرو.
یو پاکستانی باخبره سرچینه له صهیونیست رژیم سره د اړیکو د رغولو له هوکړې سره د یوځای کېدو لپاره د امریکا د ولسمشر له غوښتنې سره د اسلام اباد د پرېکنده مخالفت خبر ورکړ او زیاته یې کړه چي اسلام اباد د واشنګټن دا اقدام د غیر اړوندو دوسیو په لړ کې له ایران سره د اوربند له ډیپلماسۍ څخه د ناوړې ګټې اخیستلو لپاره د امریکا هڅه بولي.