کشمیر کښې هندي ځواکونو دوه بریدګر وژلي دي
Mar 24, 2018 10:50 Asia/Kabul
د هند تر کنټرول لاندې کشمیر کښې دوه بریدګر له هندي ځواکونو سره په نښته کښې ووژل شول.
د هندوستان پولیسو ویلي چې دا نښته بیګا د کشمیر د مرکز سرینګر ښار د سویل په ۸۳ کیلومیټرۍ کښې په دوورو کلي کښې رامینځته شوه.
هندي پولیسو همداشان ویلي چې په یاده نښته کښې پوځي ځواکونو ته هیڅ تاوان نه دی رسیدلی.
د ویلو ده چې د هند تر کنټرول لاندې کښې ناکرارۍ او شخړې د ۲۰۱۶ کال د جولایۍ له اتمې نیټې زیاتې شوې دي او په دې موده کښې پر کشمیري معترضانو د هند د امنیي ځواکونو د بریدونو له امله له څلورو سوو زیات کسان وژل شوي او زرګونو نه زخمي شوي دي.
ټیګونه
