د مصر د ولسمشرۍ انتخابات پاې ته ورسیدل
-
دمصر ځینو شخصیتونو هم د ولسمشرۍ د انتخاباتو بایکاټ کړی وو .
ایرنا خبری اژانس وایی د مصر د ولسمشرۍ درې(۳) ورځنی انتخابات چې له تیرې دوشنبې ورځې راهسې دهیواد په اوویشتو(۲۷) ولایتونو کښې پیل شوی وو بیګا پاې ته ورسیدل .
دمصر دانتخاباتو د ملی پلاوی ویاند محمود الشریف ویلی وو د ولسمشرۍ د انتخابات د شپې نهه(۹) بجې پاې ته رسیږی خو د رایو اچول یو(۱) ساعت تمدید شول .
هغه د ولسمشرۍ په انتخاباتو کښې د مصر دخلکو ګډون ډیر ښه او پراخ وباله .
دمصر د ولسمشرۍ انتخابات یوازې د اوسنی ولسمشر عبدالفتاح السیسی او د« الغد» ګوند د کاندید موسی مصطفی موسی په ګډون سره وشول .
د احمد شفیق ، سامی عنان او د څو نورو کسانو په شمول دمصر ډیرو سیاسی شخصیتونو چې د ولسمشرۍ په انتخاباتو کښې د بریالی کیدا چانس یې درلود د ولسمشر السیسی دحکومت ددباو په وجه د روان میلادی کال د ولسمشرۍ په انتخاباتو کښې په کاندید کیدا بریالی نشول .
دمصر ځینو شخصیتونو هم د ولسمشرۍ د انتخاباتو بایکاټ کړی وو .
د مصر اکثره سیاسی ګوندونه او شخصیتونه د ولسمشرۍ انتخابات د ولسمشر السیسی په وړاندې د جدی سیال د نه لرلو په دلیل یو تشریفاتی اقدام ګڼی .