دامریکا ولسمشر د پیړۍ دمعاملې پلان اعلانوی

ایرنا خبری اژانس وایی د صهیونیسټ رژیم یدیعوت احارونوت (Yedioth Ahronoth)ورځپاڼې پرون وویل دامریکا ولسمشر ټرمپ راتلونکی میاشت د اسرائیلو او د فلسطینیانو ترمینځ دسولې لپاره د پیړۍ دمعاملې په نوم خپل پلان اعلانوی .

دامریکا د ولسمشر ډونالډ ټرمپ سلاکار جاریډکوشنر(Jared Kushner) او په مینځنی ختیځ کښې د امریکا استازی جیسون ګرینبلات د سپینې ماڼۍ متحدان ددغه پلان له جزیاتو خبر کړی دی .

د پیړۍ دمعاملې د پلان پراساس د فلسطین حکومت په موقته سرحدونو سره د اردن سیند لویدیځه غاړه او له نیواکی قدس پرته غزه تړانګه لری چې د کډوالو په مسلې غور هم پکښې شامل دی .

ددغه پلان پراساس  دفلسطین خلک باید د لویدیځې غاړې په کلیو او هستوګنه سیمه کښې نوی قدس ښار جوړ کړی .

دامریکا د پیړۍ دمعاملې د پلان پراساس دنیواکی ټاټوبو سرحدونه او د امنیت مسله هماغه راز دصهیونیسټ رژیم په لاس کښې کیښودل شوی او د ښارګیو جوړول هم نهای حل لارې ته د رسیدا دخبرو  تر اغیز لاندې پاتې کیږی .

دغه پلان په داسې حال کښې مطرح شوی دی چې امریکا د می په څوارلسمه(۱۴) نیټه له نړیوالو اعتراضونو او مخالفتونو سره سره خپل سفارت له تل اویو څخه بیت المقدس ته انتقال کړی دی .

امریکا، انګلستان، فرانسه ، جرمنی ، کاناډا، سعودی عربستان، متحده عربی امارات، اردن او ځینې نور عرب هیوادونه د اسرائیلودنیواکګر رژیم ستر ملاتړی دی .