ترکیې یوځل بیا د امریکايي پادري د آزادولو غوښتنه رد کړه
د ترکیې سترې محکمې د نظربندۍ د ختمولو لپاره د امریکايي پادرې آنډرو برونسون غوښتنه په دریم ځل هم ونه منله.
د فارس خبري آژانس د خبر له مخې د امریکايي پادري د نظربندولو په پلمه د ترکیې خلاف د بندیزونو د دوباره لګولو په لړ کښې د امریکې له خبرداري سره سره، د ترکیې سترې محکمې پرون یوځل بیا د آزادۍ لپاره د برونسون د غوښتنې له ردولو وروسته وویل چې امریکايي پادري باید د خپلې سزا موده په ترکیه کښې تیره کړي.
برونسون چې د ۲۰۱۶ کال په اکتوبر کښې د پي، کی، کی په نوم د ترکیې له مخالفې وسله والې ډلې او د همدغه کال د جولایۍ میاشتې د ناکامې کودتا له عاملینو سره د تړاؤ په تور نیول شوی و، پرون یې په تیره یوه اونۍ کښې په دریم ځل په خپل حکم کښې د بیاکتنې غوښتنه کړې وه.
په عین حال کښې د امریکې د خزانې وزیر سټیون منوشین وړمه شپه ګواښ کړی و چې که د ترکیې محکمه د آزادۍ لپاره د برونسون بیاوارې غوښتنه رد کړي نو د دغه هیواد خلاف لازیات چمتو کړي بندیزونه به اجرايي کړي.
