دافغانستان دسولې کانفرنس په ماسکو کښې کیږی
-
روسیې ویلي دي چې په افغانستان کښې روان کړکیچ له سیاسي حل پرته بل هیڅ لاره نلري .
زمونږخبریال وایی روسیه به د روان میلادی کال د نوامبر دمیاشتې په نهمه(۹) نیټه د افغانستان په اړه دنړیوال کانفرنس کوربه توب وکړی .
د روسیې خارجه وزارت په یوې بیانیې کښې زیاته کړی ده د افغانستان حکومت او دطالبانو ډلې دغه غونډې ته دخپلو استازیو د استولو موافقه کړی ده .
د روسیې دبهرنیو چارو وزارت وویل دا به لومړی ځل وی چې په قطر کښې دطالبانو سیاسی دفتر خپل پلاوی په نړیواله سویه په خبرو کښې ګډون کولو ته استوی .
دافغانستان دخارجه وزارت ویاند صبغت الله احمدی وویل مونږ د روسیې له چارواکو سره دسولې د نړیوال کانفرنس په اړه په خبرو بوخت یوو او تراوسه کومه موافقه نه ده شوی .
روسیې ویلی دی چې ایران ، هند ، چین ، امریکا او دمرکزی اسیا پینځو(۵) هیوادونو ته په ماسکو کښې د افغانستان دسولې په اړه په کانفرنس کښې دګډون بلنه ورکړی ده .
روسیې ویلی دی چې په افغانستان کښې روان کړکیچ له سیاسی حل پرته بل هیڅ لاره نلری .
