پاکنژاد: مشتریانو ته د ایران د تېلو سپارل دوام لري
-
محسن پاکنژاد، د ایران د نفتو وزیر
پارس ټوډی ـ د ایران د نفتو وزیر وايي، ایران خپل خام نفت د خپل قلمرو له سمندري اوبو څخه بهر، په لرې سمندري سیمو کې لا هم پلوري او مشتریانو ته یې سپاري.
د صداوسیما خبري اژانس په حواله، د پارس ټوډی د راپور له مخې، محسن پاکنژاد د ایران د خامو تېلو د پلور او سپارلو د بهیر په اړه وویل: «په ځینو پړاوونو کې دا زمینه برابره شوه چې وکولای شو د تېلو یوه برخه د سپارلو تر ځایه مشتریانو ته ولېږدوو، چې دا د پام وړ برخه وه.»
د نفتو وزیر زیاته کړه: تر دې شېبې پورې، زموږ له ځمکنیو اوبو څخه بهر او په لرې سمندري اوبو کې د نفتو د پلور بهیر، چې موخه یې مشتریانو ته د نفتو سپارل دي، د هغو دوو محاصرو ترمنځ چې موږ ترې تېر شوي یو، دوام درلود.
پاکنژاد څرګنده کړه: «له محاصرې وروسته هم د پلور بهیر دوام لري. د کار د دوام لپاره هم په جدي توګه هڅې کوو، څو لازم تدابیر ونیول شي.»
