تازه مسلمانه شوی ډنمارکی میرمن د اسلام په اړه څه وای ؟

د غیر مسلمانو لپاره د اسلام یو جذابیت له عقل ، علم او منطق سره د هغه دتعلیماتو سمون دې . ځینې هغه مسلې چی قران کریم ورته اشاره کړی ده ، تازه او له ۱۴ پیړۍ وروسته کشف شوی دی .

د غیر مسلمانو لپاره د اسلام یو جذابیت له عقل ، علم او منطق سره د هغه دتعلیماتو سمون دې . ځینې هغه مسلې چی قران کریم ورته اشاره کړی ده ، تازه او له ۱۴ پیړۍ وروسته کشف شوی دی .  اصولا اسلام خپل پیروان درست عمر په پنځون او علم ترلاسه کولو او فکر او غور کولو ته هڅوی . د اسلام دا ځانګړنه هغو کسانو لپاره چی دین یې تحریف شوی او له خرافاتو او غیر عقلانی کارونو ستړی شوی دی ، ډیر جالبه ده .

په همدې دلیل د ډنمارک تازه مسلمانه شوی میرمن سیمون دونوانګ د بیلا بیلو دینونو په اړه  له یوې مودې تحقیق او پلټلو وروسته وایی زه اسلام یوازنې علمی دین بولم . البته هغه د اسلام په اړه د ویلو لپاره دیر څه لری  خو له هر څه مخکې ځان داسې معرفی کوی . زما نوم سیمون دوانونګ دې او زه د ډنمارک اوسیدونکی یم ، ما په نړیوال بازار موندنې کې زده کړې کړی دی . اوس د الیکټرونیک تجارت په کار کې یم او په خپل سایټ (doenvang.com ) کې اسلامی پوسټرې خرڅوم .

په لویدیځو هیوادونو کې لکه څرنګه چی د عیساییت تحریف شوی دین د خپلو پیروانو د پوښتنو او شکونو ته ځواب نشی ورکولې ، زیاتره کسان  یوازې په نوم عیسایان دی  او د هغه عبادتونه او مراسم نه ترسره کوی  او یا اصولا د دین پیروی نه کوی اوکله خو په خدای هم باور نلری .

د میرمن دونوانګ کورنۍ هم په خدای باور نلری  او هغې هم  لومړۍ په دین باور نه درلود  خو د بیلا بیلو مسلو په اړه د هغې پوښتنې سبب شوې چی د خپلو پوښتنو په ځوابونو پسې په لټون شی .

میرمن دوانونګ وایی زه له علم سره مینه لرم او په همدې دلیل زه په اسلام مینه یم ، زه اسلام یوازنې علمی دین بولم .

میرمن دوانوانګ قران کریم د خپلې مسلمانیدا عامل بولی  او د اسلام قبلولو د شیبې په اړه وایی ، کله مې  چی قران ولوسته نو هر څه مې عالمانه ولیدل ، قران منطقی دې او هر څه لپاره پکې دلیل موجود دې ، نو ځکه زه تسلیمه شوم او په کوټه کې مې شهادتین وویل . یوه موده وروسته کله چی په ایران کې د اسلام د ګران پیغمبر حضرت محمد (ص) د یوه لمسی حضرت امام رضا ع  حرم ته ورغلم  نو په رسمی توګه مسلمانه شوم . ډیر ښه احساس مې درلود  او دا چی داسې دین مې پیدا کړې چی سم دې او په هغه سره مې د ارامښت احساس کاوه .

میرمن دوانونګ د اسلام د تبلیغ بهترینه لاره د غیر مسلمانانو د منلو وړ د اصولو او ثواعدو له لارې د اسلام د تعالیماتو وړاندی کول بولی . دا هغه روده ده چی هغې د خپلو دوستانو او کورنۍ په اړه اجرا کړی ده . مثلا د خپلو والدینو لپاره د لمانځه د فریضې د بیانولو په اړه وایی کله چی زه سپیناوې کوم چی څرنګه لمونځ په خپل جوړښت سره  مونږه د ژوند لپاره چمتو کړی یو ، نو هغو یې منی .  پخپله هغې هم د لمانځه له ادا کولو مخکې د هغه په انګریزی معنا کې په غور سره هڅه وکړه د دغه رغنده عبادت مفهوم او ژورتیا درک کړی او بیا یې د لمانځه  ادا کول پیل کړل . البته هغه وایی چی د ډنمارک  په شمول د  لویدیځو هیوادونو چاپیریال  د دینی ژوند لپاره برابر ندې  او دینداری پکې مشکل ده  او ډیرو موردونو کې د مذهبی اعمالو اجازه نه ورکول کیږی ، خو هغه وایی ، کله چی په زړه کې ایمان وی نو بیا د سختیانو زغمل ګران ندی .

میرمن دوانونګ د حجاب یا ستر په اړه هم خپل مخالفان او شاه و خوا کسان داسې توجیهه کړی دی ، کله چی دا توضیح ورکوم چی چرا حجاب لرم نو دا نشم ویلې چی دا د خداې لپاره دې ځکه چی بې دینه انسانان نه متوجه کیږی ، نو ځکه دا مسله له غیر مذهبی نظره سپیناوم ، مثلا وایم چی  خپل ویښته پټوم ځکه چی نه غواړم پردی سړی مې اذیت کړی ، دا نه غواړم چی سړی ما ته جنسی کتنه ولرلې شی ، هغو بیا دا خبره درک کوی .

البته میرمن دوانونګ د حجاب په اړه جالب نظره لری او وایی چی سړی او میرمنې دواړه باید حجاب  ولرلې شی ، هغه وایی چی زه فکر نه کوم حجاب یوازې د سکارف یا چادر اخیستل دی ، بلکې دا یو روحی  حالت دې ، همداسې سړی هم باید میرمنو ته ونه ګوری دا د سړیو  حجاب دې  . میرمن سیمون وایی زه له حجاب سره مینه لرم ، په عین حال کې دا هغه څه دی چی باید په زړه کې احساس شی .

میرمن دونوانګ په لویدیځ واکمن اجتماعی نظام او له کلتوری حالاتو په تیره بیا د میرمنو په اړه  ډیره خپه او خواشینی ده . هغه وایی په لویدیدځ کې میرمنې په بشپړه نامناسب ډول ظاهریږی ، د میرمنو ارزښت په بشپړه د سړیو د خوښې په اساس دې . زه واقعا له دې شعاره ستړی شوی یم چی یوه ازاده میرمن ، یوه بربنډه میرمن ده یا دا چی میرمن باید د سړی په شان وی . په لویدیدځ کې د میرمنې حقوق ډیر تحریف شوی دی ، زه فکر نه کوم چی پ لویدیځ کې میرمن او سړی د یوه بل حقیقی درناوې کوی .

میرمن دوانونګ وایی په اسلام کې میرمن ، انسانی شخصیت او  کرامت لری او میرمنې یوازې د استفادې  او غورځولو لپاره ندی . سړی او میرمنې دواړه یوه بل په نسبت ژمن دی .

په هر حال د ډنمارک حکومت  هماغه راز د اسلام دښمنۍ سیاست تعقیبوی چی یوه ښکاره بیلګه یې په ۲۰۰۵ کال کی  په یوه مجله کې د اسلام د ګران پیغمبر حضرت محمد (ص )  پرضد د سپکونکیو کارټونونو خپرول وو چی د یو نیم میلیارډ مسلمانانو غوسه یې راوپاروله . په عین حال کی میرمن دوانونګ باوری ده د مسلمانانو پرضد دا ټولې سختیانې په خلکو کې کنجکاوی رامینځته کوی  چی په نهایت کې اسلام ته د خلکو د مخه کولو سبب کیږی . زه له داسې  ‌ډیرو خلکو سره کتنه کوم چی د اسلام په لټون کې دی او د مسلمانانو نفوس  په زیاتیدو دی .