ایران د افغانستان د سولې په بهیر کښې کلیدی رول لری

رویټرز خبری اژانس وایی د افغانستان په چارو کښې د روسیې د ولسمشر ځانګړی استازی ضمیر کابلوف د افغانستان د مسلې په هواری کښې د ایران رول مهم او کلیدی وباله .

هغه پرون په یوه(۱) خبری کانفرنس کښې وویل ایران او پاکستان د افغانستان دمسلې په حل کښې کلیدی رول لوبولی شی .

ضمیر  کابلوف زیاته کړه دافغانستان خلک په خپل هیواد کښې دسولې او د ابادونۍ غوښتونکی دی او ماسکو هم د افغانستان دسولې په بهیر کښې د وروستیو بدلونونو په هکله په خوش بینۍ سره په دې لاره کښې دافغانستان دخلکو ملاتړکولو ته تیار دی .

د افغانستان په چارو کښې د روسیې د ولسمشر ځانګړی استازی ضمیر کابلوف وویل د فرورۍ د میاشتې په دوه ویشتمه (۲۲) نیټه به د ترکیې په پلازمینې انقرې کښې د امریکا له ځانګړی استازی زلمی خلیل زاد سره کتنه وکړی .