اروپایی اتحادیې دامریکا له هڅې سره مخالفت وښود
-
ایران به د امریکا د بایکاټونو له لغوه کیدا مخکې له ولسمشرټرمپ سره د کتنې لپاره هیڅ پروګرام ونلري .
زمونږخبریال وایی د اروپایی اتحادیې د بهرنی سیاست مسولې میرمن فیډریکا موګرینی له ایران سره د نوی موافقې لپاره د امریکا په هڅو نیوکې سره د اټومی تړون د ساتلو غوښتنه وکړه .
هغې نن وویل اټومی تړون باید له ایران سره د نوی اټومی موافقې د لاسلیک کیدا لپاره د امریکا د هراقدام دیوې(۱) برخې په توګه قربانی نشی .
د اروپایی اتحادیې دبهرنی سیاست مشرې فیډریکا موګرینی وویل د ۲۰۱۵ میلادی کال اټومی تړون یوه(۱) څو ملیتی موافقه ده او دملګروملتونو امنیت شورا تائید کړی ده پردې اساس هغه څه چې موجود دی باید وساتل شی .
هغې وویل اروپایی اتحادیه د بل هر مکمل پلان چې د اټومی تړون احترام کوی هرکلی کوی او تل له دغه موافقې د ملاتړ کوشش کوی .
دامریکا ولسمشر ټرمپ څو ورځې مخکې دایران له ولسمشسر حسن روحانی سره د کتنې د غوښتنې په ترڅ کښې وویل ښه فرصت شته چې د تاوتریخوالو په اړه بحث وشی .
دایران ولسمشر حسن روحانی د امریکا د ولسمشر دغه غوښتنې ته په ځواب کښې وویل ایران به د امریکا د بایکاټونو له لغوه کیدا مخکې له ولسمشرټرمپ سره د کتنې لپاره هیڅ پروګرام ونلری .
