د تهران او کابل چاپ ځینی نننۍ ورځپاڼې
د تهران د پښتو خپرونې او انټرنیټی سایټ خوږو مینه والو په دې شیبو کې له نننیو مطبوعاتو سره ستاسو په خدمت یوو . په پیل کې د تهران او ورپسې هم د کابل چاپ ځینی ورځپاڼې درسره شریکې کوو ، نو هیله ده ترپایه راسره ملۀ ووسئ .
د تهران زیاترو ورځپاڼو پخپلو لومړنیو مخونو په تهران کې د بلواګرو او ورانکارو په ضد د ولس میلیونی لاریون ته چې پرون ترسره شوی ، ډیر انعکاس ورکړی دی ، ورځپاڼو لیکلی دی ، د تهران په میلیونونو خلکو پرون په داسې حال کې د بلواګرو او ورانکارو په ضد خپله کرکه اونفرت نندارې ته وړاندې کړ ، چې له دې سره په یوخت په درست هیواد کې هم ولس د بلواګرو په ضد لاریونونه ترسره کړی او د اسلامی ایران له قضایه ادارو ئې غوښتی دی ، چې دغه بلواګر او ورانکار دې سملاسی محاکمه او که نیول شوی نه وی ،سملاسی دې ونیسی او ولس ته دې ئې دنتیجو اعلان وکړی ، که داسې نه وی ،نو ممکنه ده ولس پخپله لاس په کار شی او د بلواګرو او ورانکارو په خلاف خودجوشه اقدام وکړی .
ورځپاڼو همداراز لیکلی دی ، د تهران خبر او هوښیار ولس پرون په پرتم او ولولې سره د تهران د میدان انقلاب اسلامی په لور تلونکو درستو لارو کې په شتون سره یو ځل بیا د هیواد له امنیت او اقتدار او همداراز د ایران د اسلامی جمهوری نظام د نیالګی دخړوبه کولو په خاطر او همداراز له اشرارو او ورانکارو بلواګرو څخه د کرکې او نفرت چغې پورته کړې او په انقلاب اسلامی چوک کې په غونډیدو سره ئې د ۱۳۹۸لمریز کال د لیندۍ دڅلورمې نیټې حماسه وپنځوله .ورځپاڼو همداراز لیکلی دی ، د تهران خلکو په دغه پرونی میلیونی لاریون کی دښمن پیژندنه او د ایران د انقلابی ملت له ولایت فقیه څخه پیروی او ځیرتیا ، د اسلامی ایران پرضد د نړیوالې دسیسې د ماتې عامله وبلله . په دغه لاریون کی ګډون کونکیو مړه دې وی امریکا ، مړۀ دې وی اسراییل ، مړۀ دې وی بلوه ګر په شعارونو سره د رهبرۍ د ستر مقام حکیمانه ، شجاعانه او هوښیارې څرګندونې ،له شرغواړو او بلوه ګرو د ایرانی ملت د لیکې د بیلتون عاملې وبللې او پخپل میلیونی لاریون سره ئې یو ځل بیا د دښمنانو د سپیر خوب ځلوب نندارې ته وړاندې کړ .
دا هم د تهران جمهوری اسلامی ورځپاڼه ده چې پخپلې نننۍ ګڼې کې ئې لیکلی دی،د افغانستان پخوانی ولسمشرحامد کرزی وئیلی دی،د افغانستان انتخابات د پرَدیو او بهرنیو قدرتونو په لاس کې یوه لوبتکه جوړ شوی دی .
ورځپاڼې په دوام کې لیکلی دی،د لوګزامبر ګ خارجه وزیرجین آسلبون د صهیونیسټ رژیم د ښارګوټو جوړونې په وړاندېد امریکا ددریځ له بدلیدو سره دمخالفت ښودلو په موخې سره د اروپائی اتحادئې له خوا د یوه هیواد په توګه د فلسطین د په رسمیّت پیژندنې غوښتنه وکړه .
د یمن د مظلوم خلکو په ضد د آل سعود رژیم په مشرۍ د تش په نامه عربی ائیتلاف جنګی الوتکې هماغه راز د اوور بند په خلاف ورزیو سره پر هستوګنو سیمو او تاسیساتو بمباریو ته دوام ورکوی .
د عراق د کربلا د پولیسو قوماندانۍ د یوې اعلامیې په خپرولو سره په کربلامعلی د هرډول ترهه ګرې حملې او له ولسی اعتراضونو د ناوړه استفادېد مخنیویلپاره تیارسۍ اعلان کړی دی .
د انګلستان پخوانی لومړی وزیر ټونی بلیّر له روئیټرزخبری آژانسسره په خصوصی خبرو کې وئیلیانګلستان له بلواؤ سره لاس او ګریوان شویچې باید سیاسی لوری په دې اړه جدی پام وکړی .
د سورئې پوځ او مقاومتی چورلیز په ادلباو الرقه ولایتونو کې په پاکونکو عملیاتو کېله تکفیری ترهه ګرو یو شمیر نور کلیهم آزاد کړی او د هغویپه لسګونو جنایتکار ترهه ګر ئې هلاک او ټپیان کړی دی .
د پاکستان پخوانی او مجرم پیژندل شوی لومړی وزیرنواز شریف چې ددرملنې په خاطر له هیواده بهر انګلستان ته تللی،د ډاکټرانو د ټیم په مشورې سره په یوه ډیر پرمختللی روغتون کې بستری شوی دی .
دا هم د تهران کیهان ورځپاڼه ده چې پخپلې نننۍ ګڼې کې ئې لیکلی دی ، د ایران داسلامی جمهوریت په درستو ښارونو په تیره بیا په تهران کې د ولس په میلیونی لاریون او له بلواګرو او اشرارو څخه ئې د کرکې نندارې ته وړاندې کولو له امله د اسلام او اسلامی ایران د دښمنانو په تیره بیا د مریکا سپیرۀ خوب په یوه ځلوب بدل شوی او په درستې نړۍ کې یو ځل بیا بې شرمه شوی د ه .
ورځپاڼې په دوام کې لیکلی دی ، د ایران د اسلامی جمهوریت دبسیج ولسی ځواک مشر سردار غلام رضا سلیمانی وئیلی دی ، بسیجی ځواک د هیواد د چُټی شوو ډیرو تولیدونکو کارخانو کابو نهه زره یونټونه په ډیر زیار او هڅو سره بیرته بیرته فعال کړی دی .
د بشری حقوقو یوې خپلواکه ادارې یمن ته د ا ړول شوو ډیرو زیاتو تاوانونو په باب پخپل یوه راپور کې وئیلی دی ، د سعودی عربستان په مشرۍ تش په نامه پوځی ائیتلاف په یمن د تیریو له هماغو لومړنیو ورځو راهسې تر دې دمه ددغه بې وځله عرب هیواد د مظلومو او بې څوکه خلکو په ضد څه دپاسه نیم میلیون هوائی حملې کړی دی .
ډویچه ویلې خبری چینل راپورورکړی ، کویّین هینډ نومې کشتۍ چې د رومانیا په سواحلو کې دبالائو ټاپو په بیرغ سره ئې حرکت کاوه او د سعودی عربستان د جدی بندر په لور روانه وه او څوارلس زره پسونه او ګډې ئې بار کړې وې ، په تور سمندر کې ډوبه شوی او درست څاروی له مینځه تللی دی .
ورځپاڼې په دوام کې لیکلی دی ، دامریکا د ولسمشر مرستیال مایک پنس چې څو ورځې مخکې د عراق د لوړپوړو چارواکو له خبریدا پرته دغه هیواد ته په پټه تللی ، د عراق د کردستان سیمې له مشرانو سره ئې لیده کاته کړی او په ډاګه ئې د کردستان سیمې مشرانو ته وئیلی چې له ایران سره دې اړیکې پای ته ورسوی ، خو وئیل کیږی ،چې د عراق د کردستان سیمې د چارواکو له خوا له منفی ځواب سره مخ شوی او په بې شرمۍ او سپین سترګیتوب سره بیرته د امریکائی ځواک مرکز ته خوځیدلی او له هغه ځایه له دې پرته چې د عراق له لوړپوړو چارواکو سره لید کاتۀ وکړی،بیرته امریکا ته په تشو لاسونو سره ستون شوی دی .
ګارډیّن ورځپاڼې لیکلی دی ، د انګلستان شپیتو ډاکټرانو انګریز داخله وزیر پریتی پټل ته د خطاب په یوه لیک کې خبرداری ورکړی، د ویکی لیکس ایشواکونکی سایټ د چلونکی جولیّس آسانژ ژوند په خطرې کې دی او له بلمارش وحشتناک بنده دې دلندن په جنوب ختیځ کې یوه روغتون ته منتقل شی .
نیویارک ټایمز ورځپانې لیکلی دی،د ناټو ائیتلاف په باب د فرانسې د ولسمشر آمانوئل ماکرون څرګندونو د جرمنی صدراعظمه میرمن آنګلا مرکل سخته غوسه کړې او له ماکرون سره په کتنې کې ئې پر ماکرون ددغو خبرو په دلیل سختې نیوکې کړی او وئیلی ئې دی ، باید ماکرون د خپلو دغو څرګندونو په باب توضیح ورکړی . د فرانسې ولسمشر ماکرون په همداوروستیو کې دناټو پر لټیو او بې فعالیته ژوند په سختو نیوکو سره وئیلی وو ،ناټو ته اټیک شوی او د مشرانو مغزو یا عقل ئې کار پریښودلی دی
اوس هم راګرځو د کابل چاپ ځینو نننیو ورځپاڼو ته چې له انټرنیټه مو راخستی او له تاسو سره ئې هم شریکې کوو ،البته باید ووایو چې دغه لیکنې ددغو ورځپاڼو خپل دریځونه دی .
د کابل چاپ ځینو نننیو ورځپاڼو په خپلو ګڼو کې تر ډېره حده افغانستان د ولسمشرۍ د شووانتخاباتو د کړکېچ او د کاندیدانو د ائتلاف په تړاو لیکنې او تبصرې خپرې کړې دی.
هشت صبح ورځپاڼې لیکلی، د انتخاباتی ټیمونو ترمینځ روانه شخړه په بېساری ډول زیاته شوې او یو پر بل داسې تورونه پورې کوی چې د خلکو ترمینځ د نفرت او ستونزو د لا زیاتېدو لامل ګرځېدلی.
وړاندې مقاله کې راغلی، روان بېباوره او کړکېچن وضعیت ښئ چې انتخاباتی کړکېچونه تر ټولو خطرناکې مرحلې ته رسېدلی او دواړه لوری د زور د ښکاره کولو هڅه کوی.
د سرمقالې د لیکوال په باور، انتخاباتی ډلې باید ۷۰مه لسیزه هېره نهکړی ا
= سرخط ورځپاڼې بیا لیکلی، که څه هم د ولسمشرۍ انتخاباتو له ترسره کېدو سره یو شمېر نوماندانو، ډلو او کسانو په بېلابېلو نومونو هڅه کړې د افغانانو ترمینځ ستونزې او فاصلې رامنځته کړی، خو اوس یو شمېر نوماندانو د ټاکنو کمیشن له لورې د رأیو بیا شمېرنې بهیر د تحریم ترڅنګ په هېواد کې د کړکېچ او ناورین د رامنځته کېدو په اړه خبرداری ورکړی.
په سرمقاله کې وړاندې راغلی، د افغانستان دښمنان او په کور دننه سیاستوال او ډلې ټپلې په ټول توان سره هڅه کوی چې د افغانانو ترمینځ د واټن په رامینځة کولو سره ستونزې لاپراخې کړی، څو د ځان په ګټه ترې کار واخلی.
خو د سرمقالې د لیکوال په باور، خلک باید د داسې خلکو او اختلافاتو پر ځای په ګډه د خپل راتلونکی او هوسا ژوند لپاره کار وکړی او هېواد له اوسنی وضعیته وژغوری.
= هېواد دولتی ورځپاڼې بیا خپله سرمقاله په دې پوښتنې پیل کړې، د کاندیدانو د ائتلاف جوړولو هڅې د څه لپاره؟
وړاندې راغلی، په دې وروستیو کې د ولسمشرۍ لپاره د یو شمېر کاندیدانو لیدنې او راشه درشه ډېره د تعجب او د اندېښنې وړ خبره ده.
د سرمقالې د لیکوال په باور، د همدې ډلو مشرانو تر پرونه هم سره ژور اختلافونه لرل، خو اوس د یو بل کورونو ته ورځی او د ګډو ګټو لپاره د ګډ ائتلاف جوړولو هوډ کوی.
د سرمقاله لیکونکی په باور، دا ډول ائتلافونه روان وضعیت لا خرابوی او په وینا یې، د همدغو ستونزو او اختلافاتو له امله ملت دا مهال له سختو ستونزو سره مخ دی او د ژمی په راتلو سره د خوراکی توکو بیې تر اسمانه ختلی، کورنی او بهرنی پانګهوال ننګول شوی او هر څه په ټپه ولاړ دی .
د سرمقالې په پای کې راغلی، د انتخاباتو خپلواک کمېسیون باید نور فشارونه ونهمنی او خپلې چارې د خلکو د ناوړو او د ولسواکۍ ضد غوښتنو قربانی نهکړی.
