مینه قرباني غواړي جانانه

زمونږ خبریال وايي د نایجریا هیواد په پلازمینې ابوجا کښې په یوې(۱) سیمې کښې د سړک غاړي ته یوه(۱) ودانۍ چې د الوتکې په شان ده په اصل کښې الوتکه نه ده بلکې یو(۱) کور دی او دغه کور یوه(۱) ښاریز د خپلې میرمنې د خواهش د پوره کولو لپاره جوړ کړی دی .

ویل کیږي چې د نایجریا هیواد ښاریز سید جمال دغه کور د خپلې میرمنې او د شپږو (۶) ماشومانو لپاره جوړ کړی دی .

جمال چې د کورونو د جوړولو کار ترسره کوي د خپل دغه درې(۳) پاوړیزه کور جوړول په نولس سوه نهه نویم (۱۹۹۹) میلادي کال کښې پیل کړي وو  .

هغه وویل زما کور الوتکه نه ده بلکې د الوتکې په شان له سیمټو څخه جوړ شوی کور دی .

په دغه کور کښې د میلمنو لپاره کوټې ، جومات، د لمبو ډنډ او ونې شته او د ګاډو د دریدا لپاره هم ځایونه لري .

د کور دننه څو کوټې شته چې پکښې د خوب کوټه وغیره وغیره .

د نایجریا ښاریز جمال په خپل کور کښې د ځان لپاره یو(۱) دفتر هم جوړ کړی دی .

هغه وویل زما له مړ کیدا وروسته به د غه کور د نایجریا د خلکو لپاره یوه(۱) ډالۍ وي چې خلک به یې د لیدو لپاره له لیرې لیرې ځایونو څخه ورشي .