امرود میوه د بدن لپاره کومې ګټې لري ؟
زمونږ خبریال وايي میوې او سبزیانې زمونږ د صحت او روغتیا لپاره ډيرې ګټې لري او له دوې پرته زمونږ خواړه کامل نه دي ځکه چې په سبزیو او میوو کښې بیلابیل ډول معدنیات ، ویټامینز او نور خوراکي مواد وي کوم چې زمونږ د بدن په پیاوړي کولو کښې مهم رول لوبوي .
له دغو طبیعي ګټو څخه ډکه یوه (۱) میوه امرود ده چې هغې ته د ساړه موسم میوه هم ویل کیږي .
د امرود خوړل ډيرې ګټې لري چې ډیر کم خلک به ترې خبر وي .
د امرود خوړل د انسان دبدن وزن کموي او د سترګو نظر پیاوړی کوي .
()
امرود د انسان د هاضمې نظام ښه کوي .
په امرود کښې فایبر شته او په دې سربیره پکښې اینټي مایکروبیل خصوصیات هم وي کوم چې زمونږ له کولمو څخه تاوان رسونکي بیکټریانې ختموي .
که چیرې مونږ هره ورځ امرود استعمال کړو نو د کولمو ناروغۍ به ونه وینو او د هاضمې نظام مو به هم ښه وي .
()
امرود د انسان وزن کموي .
امرود د انسان د هاضمې په ښه کولو سربیره د وزن په کمولو کښې هم مرسته کوي .
په امرود کښې فایبر شته کوم چې زمونږ د لوږې سویه کموي او په امرود کښې د کیلوریز اندزه هم کمه وه نوځکه که چیرې مونږ وغواړو وزن کم کړو نو په خپلو خواړو کښې باید امرود ضرور شامل کړو .
()
امرود د شوګر دناروغانو لپاره ګټه لري .
امرود یوه(۱)داسې میوه ده چې د شوګر یعني د شکرې د ناروغۍ د مخه د نیولو لپاره هم ګټه لري .
په امرود کښې موجود فایبر د شکرې د ناروغۍ د سویې په انډوله ساتلو کښې مرسته کوي او امرود د شوګر د سویې دزیاتیدا په مخه نیولو کښې مرسته کوي .
د شوګر ناروغان باید له ډاکټر سره په مشورې کولو سره په خپلو خواړو کښې امرود شامل کړي .
()
امرود د کینسر یعني د سرطان د ناروغۍ خطر کموي .
امرود د کینسر خطر کموي او په امرود کښې موجود اینټي اکسیډانټ د انسان په بدن کښې له موجودو ازادو ریډیکلز سره مبارزه کوي کوم چې د کینسر سبب کیږي او په همدې خاطر امرود ته له کینسر سره د مبارزې کولو میوه هم ویل کیږي .
()
امرود د انسان د سترګو نظر پیاوړی کوي .
نن سبا د موبایل ټیلي فون له ضرورت څخه د زیات استعمال په وجه هر دوهم (۲) کس د سترګو د نظر له کمزورتیا سره مخ دی خو اوس تاسو خپه کیږئ مه ځکه چې امرود د دغه ناروغۍ درملنه او علاج دی .
که چیرې تاسو غواړئ چې د سترګو نظر مو ښه شي نو ضروري ده چې هره ورځ امرود وخورئ ځکه چې په امرود کښې ویټامین ای شته کوم د سترګو نظر پیاوړی کوي .
