په بغداد کښې درې بم چاودنې شوي دي
ایرنا خبري اژانس وايي د عراق رسنیو بیګا په پلازمینې بغداد کښې د دریو (۳) بم چاودنو خبر ورکړ .
دغه بم چاودنې د بغداد په ابودشیر ، المشتل او زعفرانیه سیمو کښې شوي او له کبله یې تراوسه شپږ (۶) کسان ژوبل شوي هم دي .
په عراق کښې د داعش ترهګرې ډلې له ماتي خوړلو سره سره اوس هم د دغه ټروریسټي ډلې ځینې غړي د هیواد په بیلابیلو سیمو کښې شته او په تیت پرک ډول ترهګر بریدونه هم کوي .
بل خبر دا چې د عراق کتائب حزب الله ډلې پرون په یوې (۱) بیانیې کښې د شهید ابو مهدي المهندس له ځاې ناستي او د عراق د الحشد الشعبي ځواک له مرستیال ابو فدک المحمداوي څخه په کامل ملاتړ ټینګار وکړ .
د عراق کتائب حزب الله ډلې په دغه بیانیې کښې د الحشد الشعبي له قومندان او د هغه له جهادي تشکلونو په کامل ملاتړ ټینګار وکړ او ویې ویل هغه ستر رول چې الحشد الشعبي له داعش ترهګرې ډلې سره په مقابلې کښې ولوبوه د نورو امنیتي ادارو په نسبت د دغه ډلې خپلواکه ساتل ، پیاوړي کول او ورڅخه ملاتړ کول ضروري کوي .
