شمالي کوریا سرحدي سیمو ته ځواکونه استولي

زمونږ خبریال وايي د جنوبي کوریا پوځ وویل شمالي کوریا له جنوبي کوریا سره خپلو سرحدي سیمو ته عسکر استولي دي .

د جنوبي کوریا د پوځ ویاند کیم جون راک نن وویل شمالي کوریا په سرحدي سیمو کښې د پوځیانو د دیره کولو او د هغوې د شمیر د زیاتولو په هکله په  خپلو وروستیو خبرداریو پسې د دواړو کوریاو په غیر پوځي سیمه کښې په سرحدي مرکزونو کښې خپل ځواکونه دیره کړي دي .

د جنوبي کوریا دغه چارواکي وویل مونږ له نږدې څخه د شمالي کوریا خوځښتونه څارو خو تراوسه د پیانګ یانګ لخوا هیڅ ډول لسمونکی اقدام نه دی لیدل شوی .

هغه وویل که چیرې شمالي کوریا د جنوبي کوریا پرضد کوم لمسونکی پوځي اقدام ترسره کړي نو سئول به ورته سخت غبرګون وښيي .