اذربایجان او ارمنستان د اووربند نوي موافقه وکړه

رویټرز خبري اژانس راپور ورکړ ارمنستان بیګا له اذربایجان جمهوریت سره د نوي اووربند د موافقې خبر ورکړ .

د اووربند دغه موافقه له نن ورځې څخه پیلیږي .

دغه اووربند په داسې حال کښې پیلیږي چې د تیرې  اونۍ د شنبې ورځې په سهار  د روسیې په مینځګړیتوب سره د قره باغ د غرنۍ  لانجمنې سیمې په هکله د ارمنستان او د اذربایجان جمهوریت ترمینځ د اووربند موافقه لاسلیک شوه خو د دغه موافقې له اجرا کیدا څو ساعته  وروسته دواړو هیوادونو خپلو ژمنو ته له پام کولو پرته د یوبل پرضد حملې پیل کړې .

دغه راز د اذربایجان جمهوریت په ګنجه ښار باندې د ارمنستان په توغندوي حملې کښې پرون دیارلس (۱۳) ملکي وګړي چې اکثره یې ښځې او ماشومان دي ووژل شول او اته څلویښت (۴۸) نور کسان ژوبل هم شول .

ګنجه د اذربایجان جمهوریت دوهم (۲) ستر ښار ګڼل کیږي .