جرمني په مشروط ډول د عسکرو ایستل غواړي

فرانسې خبري اژانس وايي د جرمني خارجه وزیر هایکو ماس له افغانستان څخه د امریکا د عسکرو د ایستلو لپاره د ولسمشر ټرمپ له پروګرام سره په مخالفت کښې ټینګار وکړ له افغانستان څخه د ناټو د پوځیانو ایستل باید مشروط وي .

هغه یوځل بیا له افغانستان څخه د امریکا د عسکرو په چټکۍ سره د ایستلو لپاره د ولسمشر ټرمپ د حکومت له فیصلې سره  د خپل هیواد دحکومت مخالفت اعلان کړ .

د جرمني خارجه وزیر هایکو ماس وویل له افغانستان څخه د ناټو د عسکرو ایستل باید په بیړۍ سره ترسره نشي .

هغه په افغانستان کښې د امریکا د عسکرو د شمیر د کمولو لپاره د ولسمشر ټرمپ اقدام سخت کار وباله .

د جرمني د خارجه وزیر هایکو ماس د ادعا په اپوټه  د افغانستان خلک او چارواکي له هیواد څخه د امریکا او د ناټو د ټولو عسکرو د وتلو غوښتنه کوي .