د حضرت عیسی مسیح علیه السلام د میلاد مبارکي قبوله کړئ
نن د دسمبر د میاشتې ۲۵ نیټه د خدای د یو لوې پیغمبر حضرت عیسی مسیح علیه السلام د زوکړې کلیزه ده.
حضرت عیسی علیه السلام چې په قرآن کریم کښې د روح الله په نوم یاد شوی دی، د بي بي مریم(س) زوې دی.
حضرت عیسی د یهودیانو د اسماني کتاب تورات په تصدیق سره زیرې ورکړ چې له ما وروسته به یو رسول راځي چې نوم به یې (احمد) وي، او هغه د اسلام ګرانقدره پیغمبر حضرت محمد مصطفی(ص) دی.
د نړۍ عیسایان د حضرت عیسی مسیح علیه السلام د نیکمرغه میلاد په ورځ ځانګړې دستورې ترسره کوي چې په کورونو کښې د سروې د ونې لګول په کښې یو ډیر مشهور رسم دی.
که څه هم د حضرت عیسی علیه السلام د زوکړې کلیزه د هر کال د دسمبر په پنځویشمه نیټه لمانخله کیږي خو نوې میلادي کال د جنورۍ له وړومبۍ نیټې پیلیږي.
مونږ هم د ایران د راډیو او ټیلیویژن د ادارې به استازیتوب د حضرت عیسی علیه السلام ټولو منونکو او مینه والو او ټولو موحدانو ته د زړه له کومې مبارکي وایو.
