روسیه به له اروپايي اتحادیې سره اړیکې غوڅې کړي
سپوتنیک خبري اژانس راپور ورکړی د روسیې د باندنیو چارو وزیر سرګي لاوروف اروپايي اتحادیې ته خبرداری ورکړ د نویو بندیزونو د لګولو په بڼه کښې ماسکو له دغه اتحادیې سره د اړیکو غوڅولو ته چمتو دی .
سرګي لاوروف نن د روسیې پرضد د بایکاټونو د لګولو په هکله د اروپايي اتحادیې مسولانو ته سخت خبرداری ورکړ او هغوې یې له دغه کار څخه منع کړل .
د روسیې خارجه وزیر لاوروف وویل که چیرې مونږ دوباره د نویو بایکاټونو کتونکي ووسو چې شاید زمونږ د اقتصاد په ترټولو حساس وخت کښې زمونږ د معیشت لپاره خطره ووسي نو مونږ له اروپايي اتحادیې سره د اړیکو غوڅولو ته تیار یوو .
هغه وویل مونږ له دنیا د څنګ ته کیدا غوښتونکي نه یوو خو باید چمتو ووسو او که چیرې تاسو د سولې غوښتونکي یاست باید د جنګ لپاره چمتو ووسئ .
د اروپايي اتحادیې د بهرني سیاست مشر جوزپ بورل ټینګار کړی و چې دغه اتحادیه باید د ماسکو د حکومت د مخالفانو د مشر «الیکس ناوالني» د نیول کیدا په دلیل د روسیې پرضد بایکاټونه ولګوي .
بورل ادعا کړي وه د روسیې او د اروپايي اتحادیې اړیکې بندون ته رسیدلي دي او روسیه له دغه اتحادیې سره د اړیکو د ښه کولو لپاره ملګرتیا ته ګروهنه نلري .
