امریکا دي په ټایوان کې له فوځي خوځښتونو څخه لاس واخلي

د چین د بهرنیو چارو وزارت د امریکې له نوې ادارې څخه غوښتنه وکړه چي په ټایوان کې خپلو خوځښتونو ته د پاي ټکی کښېږدوي.

د چین د بهرنیو چارو وزیر وانګ یي د یکشنبې په ورځ د بایډن په مشری د امریکا له نوي ادارې څخه غوښټنه وکړه چي د ټایوان په هکله د دې هیواد د مخکني ادارې د سیاستونو له دوام څخه لاس واخلي او ټایوان سره خپل واټن وساتي.

د چین د بهرنیو چارو وزیر د ټایوان له خپلواکي ادارې څخه د ټرامپ د ملاتړ سیاست د اور سره د بازۍ په څېر وباله او له بایډن څخه غوښټنه وکړه چي له یاد سیاست څخه لاس په سر شي.

بیجینګ ټایوان د چین د خاوري یوه برخه ګڼي خو امریکا له ټایوان څخه په فوځي او اقتصادي ملاتړ سره دغه جزیره د چین په وړاندې لمسوي.