روسیې د امریکا د عسکرو په نه وتلو اندیښنه وښودله
تسنیم خبري اژانس د سپوتینک خبري اژانس په قول وویل د افغانستان په چارو کښې د روسیې ځانګړي استازي ضمیر کابلوف په تاجیکستان کښې د اسیا د زده د غونډې په څنګ کښې له افغانستان څخه د امریکا د عسکرو د نه ایستل کیدا د احتمال په هکله اندیښنه څرګنده کړه .
هغه وویل روسیه د مي میاشتې تر لومړۍ(۱) نیټې پورې له افغانستان څخه د امریکا د عسکرو د نه وتل کیدا د پایلو په هکله اندیښمنه ده .
ضمیر کابلوف د امریکا د ولسمشر جوبایډن لومړیو څرګندونو په هکله خبرداریو او غبرګونونو ته په اشارې سره وویل دغه خبرداري له طالبانو ډلې سره د امریکا د موافقې د نیغ په نیغه خلاف ورزۍ په هکله دي او احتمالا جدي پایلې هم لري .
مخکې د امریکا ولسمشر جوبایډن په خپل خبري کانفرنس کښې له طالبانو ډلې سره د قطر په موافقې کښې د لیکل شوي ژمنې پراساس له افغانستان څخه د خپلو عسکرو د ایستلو لپاره ټاکل شوی مهال ویش سخت کار وباله .
د امریکا خارجه وزیر انتوني بلینکن هم ټینګار کړی و مونږ په ناټو کښې له خپلو متحدانو سره یوځاې افغانستان ته ورغلو او له دوې سره په غږملتیا سره له دغه هیواد څخه وځو .
د تیر میلادي کال په فرورۍ میاشت کښې په قطر کښې له طالبانو ډلې سره د امریکا د موافقې پراساس امریکا باید د مي د میاشتې تر لومړۍ(۱) نیټې پورې خپل ټول پوځیان له افغانستان څخه وباسي .
د افغانستان خلکو او چارواکو په ځلونو د امریکا په مشرۍ د خارجي عسکرو د ایستلو غوښتنه کړي ده .
