هماغه ډول چی ومو ویل؛ مدینې منورې ته د حضرت رسول اکرم ص هجرت، د اسلام د تاریخ د سریزې په توګه پیژندل کیږی. مدینې منورې ته د حضرت پیغمبر ص په ورتلو سره، د ا سلام د دین په پراختیا کی یو نوئ فصل پرانیستل شو. په واقعیت کی د پیغمبر اکرم ص د رسالت لمړئ فصل او پړاؤ، د ۱۳ ؤ کالو په موده، په مکه مکرمه کی تیر شو، او دویم فصل یی په مدینه منوره کی پیل شو. دغه فصل او پړاؤ لس کاله دوام وکړ.

د رسول اکرم ص له عمومی بلنې وروسته، د انحضرت د رسالت دنده یوې نوې مرحلې ته ورسیدله. وروسته له هغه، پیغمبر اکرم ص د شرک او بت پرستۍ سره څرګنده مقابله پیل کړه. هغه حضرت د قرآن عظیم الشان په آیتونو سره، چی د وحې په بڼه ورو؛ ورو نازلیدل، د خلګو پام او افکار خپل دین ته جلبول.

د اسلام ګران پیغمبر ص، د دریو کلونو پټې بلنې وروسته، د متعال خدای په امر دیته مامور شو، چی خپله بلنه څرګنده او په ډاګه کړی.