په سیمې کې دتل پاتې امنیت مولفې، د رهبرۍ له نظره

 د تهران دپښتو خپرونې خوږو مینه والو په دې شیبو کې  د تل پاتې امنیت د مولفو نومې لړۍ له ننني شپاړسم مطلب سره ستاسو په خدمت کې  یوو ،  هیله ده داستفادې وړ مو وګرځي .

   دوستانو په نړیوال ډګر کې د امریکا بشری ضد اقدامات تل هم د جمهوری غواړو او هم د ډيموکراټانو د واکوالۍ په پړاؤنو کې موجود دي .البته د ډیموکراټانو په واکوالۍ کې ئې له سیاسی دخالته ماډل د جمهوری غواړو په واکوالۍ کې په پوځي دخالت بدل شوی دی .

امریکا البته  له لاسوهونکو  اقداماتو او د سیمې پر ملتونو د خپلې نفوذ د تپلو لپاره  له پوځي قدرته  له استفادې سره سره ، نن سبا  له ځوړتیا او ښکاره ناکامیو سره لاس او ګریوان  شوې ده . له تیرو څو لسیزو سره په پرلته کې د امریکا د قدرت لاکمزوری کیدا او د هغو غاښ ماتونکو ځوابونو په وړاندې په سربداله کیدا سره چې په سیمې کې امریکائي  ترهه ګرو پوځيانو د مقاومت له بهیره ترلاسه کړي دي او د  ایران په ضد دامریکا د څلويښت کلنو شرارتونو ماتې،امریکا د قدرت د ځوړتیا او د هغو سختو ځوابونو او ګوزارونو د نتیجې ښودنه کوي،چې د امریکا سخت آوزاري قدرت ته وارد شوي دي .

په تیرو څلورو لسیزو کې،متحده ایالاتو،د ایران په ضد ډيرغلیمانه اقدامات کړي دي . په ایران باندې حملې ته د عراق دبعثي رژيم لمسول،د اسلامی انقلاب ضد عناصرو او ترهه ګرو ډلو ټپلو څخه ملاتړونه  او د ایران د پولو ناکراره کول  او  داقتصادي  جنګ پر  دوام ټينګار ټول هغه اقدامات دي چې ایران ته دګوزار د ورکولو او  دسیمې دناکراره کولو په موخې سره ئې ترسره کړي دي . دغه اقدامات،البته  په نهایت کې د امریکا په تاوان  ختم شوي دي  او نن سبا ئې  آثار او نښې نښانې ،  حتی د امریکا د ټولنې په داخل کې  هم رابرسیره شوي دي .

دمګړۍ  دامریکا پنځه  اتیا فی صدي شتمنۍ او قدرت د یوه فی صدي کسانو په لاس کې دی او دوي غواړي ، خپلې غوښتنې پر نورو وتپي او ځیني په دغه بهیر اعتراضونه لري،او هڅه کوي،چې دغه سسټم بدل کړي  او په همدې چوکاټ کې د وال سټریټ دنیولو د غورځنګ په څير د غورځنګونو د راپورته کیدا او د اعتراضونو د خوریدا شاهدان یوو .

   د اسلامی انقلاب معظم لارښود په خپلو ځينو ویناؤ کې د امریکا د خباثتونو او سیاستونو د ناکامۍ پر حتمي کیدا،د امریکا د ځوړتیا د عواملو پر تاریخي کیدا او د نړیوال قدرت له ډګره د امریکاپه بې درکه کیدا باندې ټينګار کړی دی .

حضرت آیت ا...العظمی سید علی خامنه اي په یولړ څرګندونو کېددې واقعیّت په بیانولو سره چې امریکا له هغه وخته تردې دمه هیڅ بدلون نه دی کړی،فرمائيلي دي؛هماغه شرارت،هماغه د لیوۀ په شان دړل،هماغه دنړیوالې دیکتاتورۍ د رامینځةکولو لپاره هڅه،او هماغه بې حده سلطه غواړی خوئ ،اوس هم په امریکا کې موجود دی،البته وحشي توب او سپين سترګیتوب پکې لازیات شوی دی .

د اسلامی انقلاب معظم لارښود همداراز د اهل بیت علیهم السلام د نړیوالې ټولنې له غړو او دغه راز د اسلامی ریډیوګانو او ټيلیویژنونو د ټولنو له غړوسره په لیدوکاتو کې ، د امریکایانو دنقشې درې اصلي بهیرونه بیان کړل ، یعني د سیمې د هیوادونو تریمنځ داختلاف د رامینځةکولو سیاست، په اسلامی هیوادونو کې د کلتوري او اقتصادي  نفوذ سیاست او په مسلمانانو کې  درز اوتفرقې اچولو سیاست. 

د دښمنانو دغه چلندونه او دسیسې دهغه تاریخي واقعیّت ښودنه کوي ، چې د امریکا قدرت او شتمنۍ هیڅکله هم د نړیوالې سولې او امنیت لپاره  نه دي کارول شوي .تیر وخت او اوسمهال پړاؤ دهمدغه واقعیّت ښودنه کوي .

 د امریکا تاریخ ، د نړۍ دملتونو په ضد له جنایتونو اولاسوهنو ډک دی .په څه دپاسه دوه لکه شل زره کسانو په وژلو سره د جاپان د هیرشیما او نګاساکي  په بمبارولو کې له ایټم بمه استفاده،له ۱۸۴۶کاله رانیولې تر ۱۸۴۸ کلونو پورې په مودې کې په میکسیکو جنګ کې دجنګي جرمنونو جنایتونه،چې د څه دپاسه لس زره کسانو دوژلو سبب شول ،په ۱۸۹۹کاله  رانیولې تر ۱۹۹۲۶کلونو پورې په مودې کې  په فلیپین کې په جنګ کې جنګي جنایتونه چې څه د پاسه  دوه لکه کسان ئې قرباني کړي او همداارز په لکونو  کسانو قرباني کولو سره  له ۱۹۹۵۵  کاله رانیولې تر ۱۹۷۵ پورې په کلونو کې  د ویتنام په جنګ کې بونونکي جنایتونه  د ارمیکا د لاسوهنو د تاریخ ځيني برخې دي .  

     د امریکا یانو د بوږنونکو جنګي جنایتونو په دوام کې خبره دلته نه ختمیږي، بلکې هماغه راز دوام لري،په ګوانتانامو او ابوغریب ویرونکو او وحشتناکو زندانونو کې غیر انساني جنایتونه  او د امریکا پر ټولنې د واکمنو بې عدالتیو او  توکمپالنو باندې د ولس د اعتراضونو  خونړۍ ځپنې  د امریکا  ځيني نوره چلندي ځانګړنې دي .

 اوس دنیا ښه پوهیږي،چې امریکا د ډيرو جنګونو عامله او لامله ده  او  د خپلو نارواؤ ګټو لپاره  ئې پر سیمې ناکراري او بې ثباتي تپلې ده . امریکا دغې موخې ته د رسیدا لپاره  هره ورځ  په یوې نوي پلمې او ټاکنې  او موضوع  پسې  ده څو خپل غلیمانه کړچارونه ، چلندونه  او زیات غوښتنې ، د بشری حقوقو څخه د ملاتړ  او دترهه ګرۍ سره دمبارزې  او د امنیت د رامینځةکولو په څير د ادعاګانو په برغولي   پټې کړي .په د اسې حال کې  چې په سیمې کې د بې ثباتیو او ناکراریو او د نړیوالې سولې اوا منیت په ضد د ګواښونو د زیاتیدا یو علت ، د متحده ایالاتو  یو اړخیز پالنه ،پوځي لاسوهنې او د سیمې د هیوادونو په  کورنیو چارو کې ګوتوهنې  دي .

 نن سبا لویدیځ او دهغو متحدان په داسې حال کې  دانساني کرامت او بشری حقوقو ډنډورې وهني،چې  په ډاګه  او په روښانه ډول  د سورئې ، عراق او یمن   ترهه ګرو ته د مالی اوسلوالو  مرستو دلیږد خبره کوي ، چې  له امله ئې  په دغو هیوادونو کې  د دوي په لاس په جنایتونو کې  داخلی جنګونه راپورته شوي  او پکې  په لسګونو زره خلک وژل شوي او په میلیونونو نور کډه په سر شوي دي .

           د اسلامی انقلاب ستر لارښود ددې موضوع په بیانولو کې  دې ټکي ته اشاره کړې  چې امریکا ځيني شیان د نړیوالو  معیارونو په توګه معرفي کوي، په هغو کې  دا چې  د امریکا ګټې  پکاري دي په درستې نړۍ کې رعایت شي، که  نه نو ،له امریکا سره په زرګونو کلومیټرو لیرې واټن هم  که ولري ، نو بیا هم ورپسې ورشو او  خپلې ګټې به تامین کړ و، له ترهه ګرۍ سره دمبارزې په پلمه  د افغانستان  او  عراق  پوځي نیواک  هم یو همدغه اقدام دی چې  دامنیت درامینځةکولو په پلمې سره پیل شوی  ، البته  نه یوازې په سیمې کې د امنیت دټينګیدا سبب شوی نه دی، بلکې په دغو هیوادونو کې  د لکونو عامو خلکو د وژلو ډ کډوالۍ دسیل   د راپورته کیدا ، دافراط پالنې د ودې  او ناکراریو د زیاتیدا سبب شوی هم  دی او دغه هیوادونه  ئې د ویشل کیدا له بلا سره مخ کړي دي .

د یاد شوو مسئلو ټولګه ښئ امریکا،په سیمې کې  دبې ثباتۍ د رامینځةکولو  او د دغه هیواد د سیاسی او پوځی  قدرت څخه د ورانکارې استفادې اصلي عامله  ده .

تجروبې ښودلې ده،چې د پرَدیو له لاسوهنې پرته د سیمې د هیوادونو ملګرتیا او تعامل ،په سیمې کې د تل پاتې امنیت د ټينګیدا  اصلی شرط دی. څرګنده ده ، اقتصادي، سیاسی  او امنیتی ملګرتیاوې  هم  هغه مهال خوښې نتیجې ته رسیږي،چې د سیمې هیوادونه د سیمې د برخلیک لپاره پخپله فیصله وکړائ شي . د ایران له نظره، په هرې سیمې کې د  تل پاتې امنیت د ټينګیدا لپاره یوه تر ټولو کارنده او اغیزشیندونکي روده،له ګډو ګواښونوسره د مقابلې او د بې ثباتیو د زمینو د له مینځه وړلولپاره د  هیوادونو په زیات مشارکت  او ملګرتیا مشتملوترتیباتو  رامینځةکول دي .  

**********************

              دوستانو  ددغه مطلب وخت هم دلته پاي ته رسیږي ،نو له دې مخکې  چې له تاسو اجازت وغواړو، باید ووایو چې د تهران پښتو خپرونې  دانټرنیټي سایټ  ایډریس PARSTODAT.COM/PS درسره نوټ کړئ  او له خپلو نورو ملګرو او دوستانو سره ئې هم شریک کړئ ، تاسو زمونږ په دغه ویب پاڼې  تر ټولو وروستي او تازه سیمه ایز او نړیوال خبرونه ، تبصرې، راپورونه ،مرکې،نور ډول ډول روغتیائي،سپورټي،ټولنیز او عجبیه خبرونه او دغه راز دیني،کلتوري ، اقتصادي  او ټولنیز مطلبونه هم لیدلی او آوریدلی شئ ، خپل هرکله راشه پروګرام  آوریدل هم مه هیروئ ،نو تر بل مطلب پورې مو په نیاؤمن خداي سپارو،د ځان او د صحت خیال ساتئ،بریالی ژوند درته له پاک خدايه غواړو .

(سیماب)

***********************************************