په طبس کې دامریکا د پوځی تیری د ماتې کلیزه

ایران په سیمه ایزه او نړیواله سویه انو له اقتصادی پلوه کمزورې هیواد ندې . په حقیقت کې دا امریکا ده چی په انفعالی دریځ کې ورغلی ده .

د طبس پیښه په حقیقت کی په تهران کی د امریکایی جاسوسانو د خلاصولو لپاره د امریکا  د پوځی نقشې برخه وه چی د امریکا د سفارت د کارکونکیو او ډیپلوماټانو په توګه  د ایران د اسلامی جمهوریت د نظام د پرځولو لپاره د نقشې په پلانولو او جاسوسۍ پسی وو . د امریکا د سفارت د جاسوسی فعالیتونو ماهیت  د ۱۹۷۹ میلادی کال د نومبر په ۴ د امام د کرښې د پیرو محصلینو په انقلابی حرکت او د سلګونو سندونو اومدرکونو په کشفیدا پسې چی یوه برخه یې  له مینځه وړل شوی وو ، په ډاګه شو .

امریکا د دغې سترې رسواۍ د اړخونو د کنټرولولو لپاره په ایران کی ستر ضربتی اقدام پلان کړی وو تر څو کیدلی شی په کمې نښتې  سره په تهران کی د خپلې جاسوسی ځالې او د تسخیرولو او د جاسوسۍ ماجرا ختمه کړی ، خو بریالی نشو . امریکایی کمانډوګان د دغو عملیاتو د دقیقې اجرا لپاره له مودوراهیسې د اریزونا سیمې ته ورلیږل شوی وو او هلته یې چی شرایط یې طبس ته ورته وو ، ضروری  تمرینونه کړی وو ، تر څو طبس ته په ورداخلیدا سره د دغو  ضربتی عملیاتو د اجرا لپاره ضروری چمتووالی ولرلی شی . امریکایانو په دې خاطر د ډیلټا فورس په نوم ۱۳۲ ځانګړی ډلې جوړی کړی وی . په طبس کی د امریکایی عسکرو تیری ته د عقاب پنجه نوم ورکړل شوی وو.

«««««««««««««««««««««««««««««««««««««««««««««««

د۱۳۵۹ لمریز کال د  غوای په ۵ په تهران کی د ۵۳ امریکایی جاسوسانو دخوشی کولو لپاره ۶ الوتکی او اته هیلی کاپټرې د ایران فضا ته داخلې شوی ، د عملیاتو د اجرا په وخت د ایران هوایی حریم ته په ورداخلیدا سره د کرمان د راور په ۱۲۰ کلومیټرۍ کې  یوه چورلکه خرابه او اجباری کوزیدا ته مجبوره شوه او د هغې چورلکې سپرلۍ بلې ته منتقلې شوې خو هماغه چورلکې هم تخنیکی ستونزه پیدا کړه .

شپږ الوتکې او شپږ چورلکې طبس ته ورسیدې  او شپه په یوه لیرې پراتې سیمې کې  کوزې شوې ، خو د سونګو د اچولو په وخت یوه بله چورلکه هم خرابه شوه ،  په داسې حال کی چی تراوسه عملیات پیل شوی نه وو ، د امریکا ۳ چورلکی له مینځه لاړې ، د عملیاتو له مرکز سره له تماسه وروسته د هغه وخت ولسمشر کارټر د امریکایی عسکرو د ستنیدا حکم ورکړ خو د الوتکو او چورلکو د الوت په وخت د شګو توپان پیل شو او د امریکا یوه سی ۱۳۰ الوتکه او یو سی ایچ ۵۳ چورلکه یوه بل سره وجنګیدل  او دواړو اور واخیسته ، په دغه پیښه کی اته امریکایی عسکر وسوزیدل او ۴ چورلکی همغلته پاتې شوې او پاتې عسکرو په ۵ الوتکو کې جنګی بیړۍ نیمیتز ته  ځانونه ورسول  او په دې ډول عملیاتو په بشپړه ماته وخوړه .

د امریکا د هغه وخت دفاع وزیر هارلډ براون وویل د طبس په ماته خوړلیو عملیاتو کی اته امریکایی عسکر ووژل شول او یرغمل شوی کسان تر هغه وخته  چی ریګن د ۱۹۸۱ میلادی کال په جنورۍ کې د امریکا ولسمشر شو ، ازاد نشول .

*******************************

په دې ډول وو چی د طبس په دښته کې د عقاب پنجه  عملیات د شګو په توپان کی ماته وخوړه او امریکالپاره یې یوازې یوه رسوای پریښودله . د طبس پیښه دامریکا د تیری والې یو ځل بیا نندارې ته وړاندی کړو ، خو دغه رسوای د امریکا د تیری ګرو اقداماتو د پاې په معنا نه  وو . د امریکایی جاسوسانو د خلاصولو لپاره د امریکا پوځی لاس وهنه هغه اقدام وو چی په ایران کې یې د امریکا د لاس وهونکیو هدفونو ماهیت چی د اسلامی انقلاب په بریالیتوب پسې ترسره شو ، ښکاره کړ.

د امریکا کارنامه د طبس له پیښې وروسته  په تیرو ۴۰ کلونو کی د غور وړ ده .

په حقیقت کی د ایران د سټراتیجیک موقعیت او تیلو په سرچینو د امریکا د سلطې او په سیمه کی د امریکا د یوه اډې له لاسه ورکولو

چی د اسراییلو په څنګ کې یې د امریکا د ګټو د ساتونکی رول لوبوه ، هغه موضوګانې وې چی امریکا یې په ایران کې د اسلامی انقلاب له بریالیتوب او د باچا رژیم له نسکورولو وروسته سخته غوسه او اندیښمنه کړی وه . له دې امله د انقلاب په بریالیتوب سره طبیعی وه چی امریکا تیر وخت ته د ستنیدا او په ایران د بیا سلطې د خوب لپاره هر اقدام وکړی . په ایران کې پراخ جاسوسی فعالیتونه او په  هغه پسې په طبس کی پوځی تیری، د نقاب کودتا پلان او په تپلی جنګ کی له صدامه ملاتړ د دغه بهیر یوه برخه وه .