OPEC: Irani ende posedon sasinë e tretë më të madhe të rezervave të naftës në botë
Sipas statistikave të fundit të Organizatës së Vendeve Eksportuese të Naftës (OPEC), rezervat e provuara të naftës të Iranit në vitin 2022 janë të barabarta me 208 miliardë e 600 milionë fuçi dhe kështu Irani ende posedon sasinë e tretë më të madhe të rezervave të naftës në botë.
Agjencia e lajmeve Fars njoftoi se rezervat e naftës të Iranit nuk kanë ndryshuar nga viti 2019 deri në vitin 2022 dhe janë të barabarta me 208 miliardë e 600 milionë fuçi, ndërkohë që në vitin 2018, kjo shifër ishte e barabartë me 155 miliardë e 600 milionë fuçi. Domethënë kjo sasi është rritur me 53 miliardë fuçi në vitet në vijim.
Sipas këtij raporti, Irani renditet i treti në botë për sa i përket rezervave të naftës në vitin 2021.
Venezuela dihet se ka rezervat më të mëdha të naftës në botë. Rezervat e naftës në këtë vend vlerësohen në 303 miliardë e 221 milionë fuçi, që janë ulur me 247 milionë fuçi krahasuar me vitin e kaluar.
Arabia Saudite me rezerva prej 267 miliardë e 192 milionë fuçi naftë, është në vendin e dytë në kuptimin që rezervat e saj nuk kanë ndryshuar në krahasim me të njëjtën periudhë të vitit të kaluar.
Rezervat e provuara të naftës të OPEC-ut në vitin 2022 kanë arritur në 1243.523 miliardë fuçi në vitin 2022 me një rritje prej 0.1%, pra një miliard e 704 milionë fuçi.
Rezervat e përgjithshme botërore të naftës në fund të vitit 2022 janë deklaruar gjithashtu në 1564,441 miliardë fuçi. Kjo shifër është rritur me 1.1 për qind krahasuar me një vit më parë.