Arrestohen disa agjentë përgjegjës për trazirat e fundit

Ministria e Inteligjencës e Iranit njoftoi se ka identifikuar dhe arrestuar disa nga agjentët pas trazirave, të cilat pasuan protestat e fundit kundër kushteve ekonomike në një numër qytetesh iraniane në ditët e fundit.

Sipas agjencisë së lajmeve IRNA, në një deklaratë të hënën, Ministria e Inteligjencës e Iranit tha se forcat iraniane të sigurisë të ndihmuara nga njerëzit kishin arritur të ndalonin disa nga elementët që nxitën trazira në disa qytete anembanë vendit. Ajo shtoi se përpjekjet ishin në vazhdim për të arrestuar agjentë të tjerë sa më shpejt që të ishte e mundur. Sipas deklaratës së Ministrisë së Inteligjencës së Iranit, disa nga tubimet paqësore të mbajtura në ditët e fundit me qëllim të shprehjes së kërkesave publike u kthyen në dhunë "për shkak të pranisë së elementëve të dyshimtë dhe agresivë" të cilët dëmtuan pronën publike dhe shkaktuan viktima.