Demonstrata masive në Tel Aviv dhe Haifa kundër kabinetit të regjimit sionist
Të shtunën, burimet e lajmeve njoftuan mbajtjen e demonstratave nga mijëra njerëz në qytete të ndryshme të Palestinës së pushtuar, duke përfshirë Tel Avivin dhe Haifan.
Sipas IRNA, mijëra njerëz demonstruan kundër kabinetit sionist në rrugën Kabulan në Tel Aviv dhe kërkuan shpërbërjen e kabinetit të Benjamin Netanyahut dhe mbajtjen e zgjedhjeve të parakohshme. Demonstruesit gjithashtu kërkuan nënshkrimin e menjëhershëm të një marrëveshjeje me rezistencën në Gaza për shkëmbimin e të burgosurve. Gazeta në gjuhën hebraike Yediot Aharonot njoftoi se policia izraelite sulmoi demonstruesit kundër kabinetit në Tel Aviv dhe arrestoi shtatë protestues. Në të njëjtën kohë, para rezidencës së kryeministrit izraelit Netanyahu në Kodsin e pushtuar u mbajt një demonstratë dhe protestuesit kërkuan lirimin e menjëhershëm të të burgosurve izraelitë në Gaza. Nga ana tjetër, mijëra sionistë organizuan një demonstratë në qytetin Haifa që ndodhet në veri të territoreve të pushtuara, duke brohoritur parulla kundër kryeministrit të këtij regjimi dhe kërkuan lirimin e robërve sionistë. Me mbështetjen e Perëndimit dhe për të kompensuar dështimin e tij në operacionin e stuhisë Al-Aksa, regjimi sionist ka nisur një masakër masive në Gaza. Ky regjim ka mbyllur të gjitha vendkalimet në Rripin e Gazës dhe po bombardon këtë zonë. Sipas raportimeve, më shumë se 30,000 palestinezë janë martirizuar dhe 70,000 të tjerë janë plagosur.
