Pars Today

ParsToday- Kreu i Këshillit të Kishave Armene të Teheranit, duke theksuar rëndësinë e dialogut fetar në lëvizjen e sotme botërore drejt paqes, tha: "Ndërveprimi dhe mirëkuptimi i ndërsjellë do të sjellë rezultate pozitive edhe përtej fushës së fesë dhe kulturës".

Për shkak të kulturës dhe qytetërimit mijëravjeçar, vendi i Iranit konsiderohet si një model për bashkëjetesën paqësore të feve të ndryshme monoteiste. Që nga themelimi i saj, Republika Islamike e Iranit është përpjekur të luajë një rol efektiv në këtë fushë duke i dhënë rëndësi feve hyjnore. Besimtarët e fesë krishtere kanë gëzuar siguri dhe prosperitet në Iran që nga kohërat e lashta, pavarësisht nga shtypjet dhe kufizimet e Perandorisë Romake. Një nga temat që është ende e gjallë dhe e fortë në Iran është çështja e unitetit dhe solidaritetit midis feve.

Sipas ParsToday, Ruben Karapatian, kreu i Këshillit të Kishave Armene të Teheranit, në këtë kontekst dhe me rastin e Javës së Unitetit foli për rëndësinë e dialogut ndërmjet feve dhe tha: "Në botën e sotme, disa njerëz po përpiqen, me përhapjen e hipokrizisë dhe mosmarrëveshjeve, që t'i privojnë njerëzit nga spiritualiteti dhe t'i largojnë nga nga vlerat morale në jetën e tyre të përditshme. Në rrethana të tilla, aktivistët fetarë mund të arrijnë një nga kërkesat kryesore të feve, pra paqen dhe miqësinë universale dhe të zbulojnë sa më shumë të përbashkëtat fetare dhe kulturore të feve dhe kombeve".

Duhet theksuar se edhe pse feja zyrtare e Iranit është Islami, për shkak të pjekurisë së shoqërisë iraniane, fetë dhe pakicat e ndryshme janë aktive në këtë vend. Kjo çështje tregon gjerësinë e fesë islame dhe kulturës tolerante iraniane për të pranuar dhe ndërvepruar me fetë e tjera. Takimet e shpeshta të liderit të Revolucionit Islamik të Iranit me familjet e dëshmorëve, veteranëve dhe të liruarve të pakicave fetare janë edhe shenjë respekti për besimtarët e feve monoteiste në Republikën Islamike të Iranit.

Duhet theksuar se Revolucioni Islamik i Iranit, që në fillimet e formimit të tij, u përpoq të ringjallte rendin fetar dhe moralin hyjnor në botën bashkëkohore. Ky mendim dhe qëndrim ka shkaktuar solidaritet dhe ndjeshmëri midis feve monoteiste në Iran. Kjo është në kohën kur se në disa shoqëri perëndimore, duke abuzuar me konceptin e lirisë së fjalës, janë ndërmarrë veprime fyese dhe të dhunshme ndaj feve të ndryshme, duke përfshirë përdhosjen e Kur'anit të Shenjtë në Suedi dhe Danimarkë vitin e kaluar. Veprime që mund të çojnë në përshkallëzimin e tensioneve shoqërore dhe në zgjerimin e hendekut midis ithtarëve të feve dhe shkollave të ndryshme fetare.