Abadi paralajmëron për lëvizjet ushtarake të kurdëve
Kryeministri irakian paralajmëroi për lëvizjet ushtarake të forcave kurde Peshmerga në zona të diskutueshme, të cilat ai i përshkroi si akte provokative dhe i quajti të rrezikshme.
Deputeti i Irakut Xhasim Muhamed Xhafar tha sot: "Masud Barzani, kreu i Rajonit të Kurdistanit irakian, ka urdhëruar forcat Peshmerga që të qëllojnë puset e naftës në Kirkuk në rast se ushtria irakiane u afrohet puseve të naftës”. Kryeministri irakian Heidar Abadi të martën në mbrëmje u bëri thirrje autoriteteve kurde të Irakut që të heqin dorë nga pushteti në zonat e diskutuara dhe i kërkoi Erbilit që t'i administrojë këto zona bashkërisht me qeverinë federale. Abadi i paralajmëroi autoritetet në rajonin e Kurdistanit të përmbahen nga dërgimi i trupave në Kirkuk, pasi ky është një veprim i rrezikshëm. Kryeministri i Irakut gjithashtu vuri në dukje se vendimet e qeverisë qendrore irakiane kundër autoriteteve të rajonit kurd nuk përfshijnë qytetarët kurdë. Abadi e konsideroi kushtetutën irakiane si "referencë dhe parim" në bisedimet me rajonin e Kurdistanit dhe deklaroi se, respektimi i kushtetutshmërisë nga rajoni kurd dhe shfuqizimi i rezultateve të referendumit, është kushti kryesor i qeverisë irakiane për të hyrë në negociata me Erbilin .