Këshilli i Sigurimit bëri thirrje për t'i dhënë fund dhunës në Mianmar
Anëtarët e Këshillit të Sigurimit të OKB-së shprehën shqetësimin për përshkallëzimin e dhunës në Mianmar dhe bënë thirrje për përfundimin e menjëhershëm të konfliktit.
Sipas IRNA, 15 anëtarë të Këshillit të Sigurimit të OKB-së në një deklaratë përsëritën shqetësimin e tyre të thellë për zhvillimet në Mianmar pas shpalljes së gjendjes së jashtëzakonshme më 1 shkurt dhe i bënë thirrje ushtrisë të ushtrojë përmbajtje maksimale. Anëtarët e Këshillit të Sigurimit të OKB-së bënë thirrje gjithashtu për akses të plotë, të sigurt dhe të papenguar në ndihmën humanitare për ata që kanë nevojë në Mianmar. Zëdhënësi i Sekretarit të Përgjithshëm të OKB-së Stephen Dujarric tha se vëzhguesit ndërkombëtarë dhe vendas të zgjedhjeve të Mianmarit deklaruan fitoren me mbi 80 për qind të partisë Liga Kombëtare Demokratike, por me ndërhyrjen e ushtrisë së Mianmarit që dominon vendin nga 1 shkurti 2021, procesi demokratik i Mianmarit u ndërpre. Duke iu referuar shqetësimit të OKB-së për përshkallëzimin e dhunës në Mianmar, Dujarric i bëri thirrje edhe një herë ushtrisë së vendit që të respektojë kërkesën e popullit dhe ta kthejë Mianmarin në rrugën e tranzicionit demokratik. Ushtria e Mianmarit në një grusht shteti rrëzoi qeverinë më 1 shkurt 2021, duke pretenduar për mashtrime zgjedhore dhe që atëherë Mianmari është përballur me protesta dhe lëvizje të mosbindjes civile.
