Amerika zgjeron laboratorët e saj biologjikë në Evropë
Moska njoftoi se Amerika laboratorët e saj biologjikë i ka transferuar në Poloni.
Gjenerali Igor Kirillov, komandanti i forcave të mbrojtjes bërthamore, kimike dhe biologjike të Forcave të Armatosura Ruse, njoftoi: Ne kemi prova që Shtetet e Bashkuara laboratorët e tyre të prodhimit të armëve biologjike, të cilat më parë ndodheshin në Ukrainë, i kanë zhvendosur në vende të tjera evropiane, përfshirë Poloninë. Kirillov tha: Për shkak të luftës në Ukrainë, Amerika ka ndërprerë aktivitetet e saj të paligjshme në Ukrainë dhe tani këto laboratorë i ka transferuar në vende të tjera të Evropës Lindore, përfshirë Poloninë. Ne kemi qasje në mbi 20 mijë dokumente, të cilat janë mbledhur gjatë marrjes në pyetje të dëshmitarëve dhe ata që kanë të bëjnë me këta laboratorë. Paralajmërimet e Rusisë për zgjerimin e vazhdueshëm të aftësive ushtarake biologjike të Amerikës dhe me fjalë të tjera, armëve biologjike të Shteteve të Bashkuara, janë bërë duke pasur parasysh rreziqet e saj serioze për sigurinë rajonale dhe sigurinë globale. Pavarësisht se Shtetet e Bashkuara janë anëtare të “Konventës së Armëve Biologjike” që është miratuar në vitin 1972 dhe është vënë në zbatim që nga viti 1975, në fakt Amerika konsiderohet si një nga pionierët në zhvillimin e llojeve të ndryshme të këtyre armëve çnjerëzore. Pas rënies së Bashkimit Sovjetik, Shtetet e Bashkuara i kushtuan vëmendje të veçantë krijimit të laboratorëve të armëve biologjike në vendet që u krijuan pas rënies së Bashkimit Sovjetik. Përveç kësaj, ngritja e këtyre laboratorëve, veçanërisht ato që ndodhen në vende si Ukraina, në fqinjësi me Rusinë, në fakt është bërë për kërcënime biologjike ndaj Rusisë. "Vladimir Putin", presidenti i Rusisë, ka paralajmëruar më parë për përdorimin e Ukrainës si një arenë për ndërtimin dhe testimin e armëve biologjike. Putin për këtë tha: “Regjimi i Kievit është bërë një mjet i politikës së jashtme amerikane dhe praktikisht e ka humbur sovranitetin e tij. Tokat e Ukrainës janë bërë gjithashtu një fushë eksperimentesh biologjike dhe ky vend tani po pompohet me armë. Theksi i zyrtarit më të lartë rus në përdorimin e Ukrainës si fushë për eksperimentet biologjike amerikane tregon se nga këndvështrimi i Moskës kjo çështje ka një rëndësi të madhe dhe përbën një kërcënim të madh për Rusinë. Rusia më parë kishte kritikuar praninë e dhjetëra laboratorëve biologjikë amerikanë në Ukrainë. Këta laboratorë, të cilët kanë funksionuar nën mbikëqyrjen e Departamentit Amerikan të Mbrojtjes (Pentagoni), punonin fshehurazi në armë të ndaluara. Zbulimi i veprimeve të Amerikës për të ndihmuar Ukrainën në fushën e zhvillimit të armëve biologjike tregon natyrën dhe synimet e vërteta dhe çnjerëzore të Uashingtonit në fushën e prodhimit të agjentëve të ndryshëm biologjikë nën mbulesën e bashkëpunimit në fushën e mbrojtjes midis Shteteve të Bashkuara dhe Ukrainës. Departamenti Amerikan i Shtetit ka pretenduar se Uashingtoni nuk ka laboratorë në Ukrainë, ndërsa provat tregojnë se Pentagoni i menaxhonte drejtpërdrejt këta laboratorë dhe kontraktorët e lidhur me të menaxhonin gjithashtu projekte që lidhen me agjentët biologjikë. Pika e rëndësishme është se në projektet biologjike që lidhen me vendet e tjera, SHBA përdor më shumë palë civile sesa palët kontraktuese, gjë që mund të zvogëlojë shumë dyshimet për aktivitetet biologjike ushtarake të Pentagonit. Në këtë kuadër, Kirillov kritikoi praninë e laboratorëve biologjikë amerikanë në vendet në kufi me Rusinë dhe theksoi: Uashingtoni nuk i ka ndalur aktivitetet e laboratorëve të tij biologjikë për qëllime ushtarake, por i ka transferuar ato në kompani të tjera civile në përputhje me demagogjinë e vet. Tani, për shkak të luftës në Ukrainë dhe kushteve të luftës, nuk u bë e mundur vazhdimi i aktiviteteve të laboratorëve biologjikë amerikanë në Ukrainë dhe për këtë arsye Uashingtoni i ka dërguar këto laboratorë në Poloni. Sigurisht, ky është një kërcënim serioz për banorët e këtij vendi si dhe për vendet fqinje për shkak të mundësisë së përhapjes së agjentëve biologjikë jashtë mjedisit të laboratorëve biologjikë.
