Putin dhe Macron zhvillojnë bisedë telefonike për Sirinë
Prill 06, 2018 19:16 Europe/Tirane
Vladimir Putin dhe Emanuel Macron kanë biseduar me telefon për situatën në Siri, ku kanë vlerësuar hapat për të përmirësuar negociatat në Gjenevë.
Presidenti i Rusisë, Vladimir Putin dhe presidenti francez, Emmanuel Macron, në një bisedë telefonike kanë diskutuar për çështjen e Sirisë. Sipas një deklarate nga qendra për shtyp e Kremlinit, Putin dhe Macron kanë biseduar për situatën në Siri, ku kanë vlerësuar hapat për zgjidhjen paqësore të krizës në Siri. Dy liderët, të cilët theksuan rëndësinë e rritjes së bashkëpunimit mes Rusisë dhe Francës në zgjidhjen e krizës siriane, kanë shprehur të njëjtin mendim se kriza në Siri duhet të zgjidhet në rrugë politike në përputhje me rezolutën 2254 të Këshillit të Sigurimit të OKB-së.