Pars Today

Pars Tody - Edhe pse Google ka shkarkuar disa nga punonjësit e saj; Punonjësit protestues në këtë kompani që janë kundër krimeve të Izraelit nuk kanë reshtur së protestuari kundër kontratës së Google me këtë regjim të quajtur “Nimbus” dhe thonë se nuk do të punojnë për gjenocidin.

Rreth një muaj më parë, Google pushoi një nga inxhinierët e saj të softuerit për mbështetjen e tij ndaj Palestinës. Ky punonjës në mes të një konference, me zë të lartë kishte thënë: “Unë refuzoj të ndërtoj teknologji që promovon gjenocidin”.

Zëdhënësi i Google për arsyen e shkarkimit të këtij punonjësi, pa iu referuar historisë kryesore (d. m.th. masakrës së palestinezëve nga Izraeli) tha: “Ky person është shkarkuar për ndërhyrje në një ngjarje zyrtare”. Megjithatë, punonjësit e Google vazhduan protestat e tyre në zyra, në qytete të ndryshme, duke përfshirë Nju Jorkun, Sunnyvale dhe Kaliforni kundër kontratës prej 1.2 miliardë dollarësh të kompanisë me sionistët, të njohur si Projekti Nimbus. Google gjithashtu ka shkarkuar më shumë se 50 punonjës të saj duke vazhduar procesin e shkarkimit të protestuesve kundër krimeve izraelite. Sipas kësaj kontrate, e cila u nënshkrua në vitin 2021, Google duhet të mbështesë mjetet ushtarake të regjimit sionist dhe të ofrojë shërbime superkompjuterike për Izraelin. Një tjetër pikë e rëndësishme në marrëveshjen Nimbus është aksesi i këtij regjimi dhe agjentëve të tij në Google në një sasi të konsiderueshme të dhënash dhe informacionesh të njerëzve në të gjitha pjesët e botës. Me fjalë të tjera, nëpërmjet lidhjeve të ngushta me kompani të tilla si Google, Izraeli mund të marrë praktikisht të dhënat e mëdha të kësaj kompani dhe t'i përdorë ato për aktivitetet e tij kriminale dhe spiunazhi, veçanërisht kundër kombit palestinez. Më parë, qetësia e mjedisit të punës në Google dhe mënyrat se si kjo kompani ndërvepron me punonjësit e saj kanë qenë gjithmonë të spikatura në opinionin publik; Por tani Google është konfrontuar me punonjësit e saj deri në pikën e arrestimit të tyre për shkak të Izraelit. Sipas lajmit, gjithsej 9 protestues janë arrestuar pas protestave të punonjësve të kompanisë në Kaliforni dhe Nju Jork. Një ditë më vonë, Google nisi të pushonte nga puna punonjësit e tjerë. Kjo kompani fillimisht këtë çështje e përshkroi si dhënia e lejeve administrative; Por pak kohë më vonë ajo u dërgoi një e-mail këtyre personave duke i njoftuar ata për shkarkimin e tyre. Google pretendoi se një numër punonjësish protestues kanë shkelur qartë rregulloren e Google duke ndërprerë punën e të tjerëve; Prandaj, ata duhet të pushohen nga puna.

Kufiri i lirisë

Duket se Izraeli ka marrë lirinë e palestinezëve pas shumë vitesh; Tani, në vendet që e mbështesin këtë regjim, ai ka adoptuar të njëjtën politikë dhe po pengon lirinë e shprehjes në vendet që pretendojnë lirinë e shprehjes. Ndoshta, ditën kur statuja 93 metra e lirisë iu dhurua amerikanëve nga Franca dhe u vendos diku afër plazhit të Nju Jorkut, askush nuk mendoi se skandali i lirisë së fjalës në këtë vend pas 7 tetorit dhe Stuhisë al-Aksa do të ishte më e zhurmshme se kurrë ndonjëherë. Pas kësaj date dhe kur regjimi sionist më shumë se kurrë më parë u përball me një krizë ekzistenciale, vendet që mbështesin këtë regjim injoruan të gjitha sloganet e tyre për lirinë e fjalës dhe bënë çmos për t'u përballur me mbështetësit e Palestinës dhe kritikët e Izraelit. Tashmë, perimetri i përballjes me lirinë e fjalës është zgjeruar deri në atë pikë sa që përveç qeverive dhe forcave policore, ai ka përfshirë edhe kompani të mëdha në fushën e teknologjisë. Sigurisht, Google ka një rekord të zi bashkëpunimi me kriminelët. Në vitin 2018, Google dhe Departamenti i Mbrojtjes i SHBA-së bashkëpunuan në Projektin Maven, një projekt i inteligjencës artificiale për të rritur saktësinë e sulmeve me dron. Aktivistët e të drejtave të njeriut atë vit pohuan se teknologjia fillimisht ishte menduar për përdorim nga ushtria izraelite kundër palestinezëve. Tani, gjatë projektit Nimbus, ekspertët besojnë gjithashtu se shërbimet e Google do t'i ofrohen ushtrisë sioniste dhe izraelitët po kërkojnë të krijojnë logjistikë ushtarake superiore. Gjithashtu thuhet se nëse Google do të vazhdojë me këtë kontratë, së shpejti do të përballet me një krizë në fushën e punonjësve protestues. Punonjësit e kësaj kompanie për protestat e tyre zgjodhën sloganin “Googlers kundër gjenocidit” dhe atë e shkruan në bluza dhe pankarta. Janë publikuar shumë imazhe të këtij slogani dhe fjala e fundit e tij (që do të thotë gjenocid) është dizajnuar me modelin ngjyrues të logos së Google.