تاجیکستان اتباع این کشور را که در رکاب طالبان می‌جنگند شناسایی کرد
-
وزارت کشور تاجیکستان اسامی 10 تاجیک را که با طلبان همکاری می کنند منتشر کرد
وزارت کشور( کارهای داخله) تاجیکستان هویت 10 تبعه این کشور را که در حمله گروه طالبان به ناحیه درواز در شمال ولایت بدخشان افغانستان حضور داشتند تایید کرد.
به گزارش رادیو تاجیکی صدای خراسان به نقل از سامانه تاپ تی جی، منابع این وزارتخانه گفته اند که در فیلم حمله گروه طالبان به پاسگان نظامی ناحیه درواز که هفتم دسامبر در یوتیوب منتشر شده است اتباع تاجیکستان نیز حضور داشته اند.
وزارت کشور تاجیکستان اعلام کرد: رستم خواجه نصرالدین اف 42 ساله ساکن ناحیه اسفره وعبدالرحیم فرزند 18 ساله وی، سهراب یوسف‌اف و دلیر ایلمرداد اف ساکنان ناحیه رودکی، دوست مراد محمداف و محمد شریف اف از ناحیه نورآباد، شکربیک خال بیک اف ، برادران بیک زاده و جواهر اورون اف از ناحیه سپیتامن ولایت سغد که با گروه طالبان در حمله خونین به ناحیه درواز افغانستان مشارکت کرده‌اند از تاجیک‌های تحت پیگرد دادستانی کل تاجیکستان هستند.
مقامات امنیتی تاجیکستان می گویند که این 10 نفر از اعضای گروه ممنوعه انصارالله هستند که در سالهای اخیر در افغانستان با گروه طالبان همکاری می کنند.
منابع امنیتی افغانستان پیش از این اعلام کرده اند که نزدیک به 450 جنگجوی خارجی از چین، تاجیکستان، ازبکستان وچچن و قفقاز در کنار جنگجویان گروه طالبان علیه دولت افغانستان می جنگند و تلاش می کنند جغرافیای جنگی خود را به کشورهای آسیای مرکزی و حتی روسیه و چین توسعه دهند.
در حمله اخیر گروه طالبان به پاسگان نظامی ناحیه درواز بدخشان افغانستان 24 نیروی امنیتی افغان کشته و هفت تن دیگر ناپدید شدند.
بیشتر بخوانید:
