Ереванӣ : Роҳи ҳалли буҳрони Сурия дар абзорҳои сиёсӣ наҳуфтааст
Амирсаъиди Ереванӣ-сафиру намояндаи доими Эрон дар Созмони Миллал гуфт : Теҳрон бар ин бовар аст, ки роҳи ҳалли аввалия барои буҳрони Сурия дар абзорҳои сиёсӣ наҳуфтааст, зеро иқдомоти низомӣ танҳо мӯҷиби печидатар шудани вазъият мешавад.
Ба гузориши ИРНА, Амирсаъиди Ереванӣ рӯзи чаҳоршанбе дар нишасти Шӯрои амнияти Созмони Миллал бо мавзӯи « Вазъияти ғарби Осия : Сурия » бо таъкид бар аҳамияти азсаргирии ҷаласоти кумитаи Қонӯни асосӣ ба унвони як созукори муассир барои пешбурди раванди сиёсии Сурия, ибрози умедворӣ кард, ки ихтилофоти марбут ба маҳалли баргузории ҷаласаи кумитаи ба суръат ҳал шавад ва кори он аз сар гирифта шавад .
Ереванӣ бо ишора бо инки вазъияти инсонӣ дар Сурия ҳамчунон бисёр вахим аст, афзуд : Яке аз муҳимтарин чолишҳое ки имрӯзи Сурия бо он мувоҷеҳ аст иқтисоди шадидан ошуфтаи он аст, ки дар дараҷаи аввал ба мӯҷиби таҳримҳои якҷониба ва баҳрабардории ғайриқонӯнӣ аз манобеъ аст ; ин ду воқеият ҳар ду ба сурати номутаносибе бар занон , кӯдакону соири мардумони Сурия таъсир мегузоранд .
Вай бо баёни инки нақши Созмони Миллали Муттаҳид дар мавриди Сурия бояд ҳимоятӣ бошад ва тамоми фарояндҳо мебоист таҳти раҳбарӣ ва моликияти ин кишвар бошад, тасреҳ кард : Мутаъасифона пас аз гузашти 12 сол аз буҳрони Сурия, ҳамчунон шоҳиди ҳузури гуруҳҳои террористии фаъол дар ин кишвар ҳастем ; гуруҳҳои террористие ки ҳам таҳдидии ҷиддӣ барои амнияти Сурия ва ҳам барои кишварҳои ҳамсоя ба шумор мераванд.
Намояндаи доими Эрон дар Созмони Миллал идома дод : Зимни ба расмият шинохтани нигарониҳои амниятии машрӯъи кишварҳои ҳамсояи Сурия таъкид бар ин амри зарурӣ аст, ки набард бо тероризм набояд ба унвони баҳонае барои поёнсозии ҳокимияту тамомияти арзии Сурия мавриди истифода қарор гирад . Дар ин миён ҳузури ғайриқонунии неруҳои низомии хориҷӣ дар дохили Сурия танҳо бар бесуботии ин кишвару минтақа афзудааст.
