Вокуниши Амирабдуллоҳиён ба паёми амрикоиҳо дар хусуси хештандории кишварҳои муқовимат

Вазири умури хориҷаи Эрон гуфт, амрикоиҳо наметавонанд бо як даст силоҳу бомба барои куштани фаластиниҳо ирсол кунанд ва бо дасти дигар ҳамаи тарафҳои дигарро ба хештандорӣ фаро хонанд.

Ба гузориши ИРНА, Ҳусайни Амирабдуллоҳиён, вазири умури хориҷаи Эрон рӯзи ҷумъа бо Абдуллоҳ Буҳабиб, ҳамтои лубнонии худ дар Бейрут дидору гуфтугӯ кард ва ду тараф пас аз ин дидор дар конфронси хабарии муштарак ҳозир шуданд.

Вазири умури хориҷаи Эрон бо ишора ба омодагӣ барои баргузории нишасти вазирони хориҷаи кишварҳои Созмони Ҳамкории Исломӣ таъкид кард, бояд ҷинояти ҷангӣ алайҳи мардуми Фаластин мутаваққиф шавад ва муҳосираи инсонӣ ва қатъи обу барқу дору алайҳи мардуми Ғазза мутаваққиф шавад.

Вазири хориҷаи Лубнон низ бо ишора ба ин ки субот танҳо аз масири одилона барои Фаластин мегузарад, хотирнишон кард, идомаи танишҳо амнияти минтақаву манофеи байналмилалиро таҳдид мекунад. Ҳама бояд ба режими саҳюнистӣ фишор биоваранд то ба ҷанг поён диҳад.