Ҳамлаи мушакии Ҳизбуллоҳ ба нови ҷангии режими саҳюнистӣ

“Порс-Тудей”. Ҷунбиши Ҳизбуллоҳи Лубнон эълом кард, нови ҷангии режими саҳюнистиро бо мушаки круз ҳадаф қарор додааст.

Ба гузориши “Порс-Тудей”, Ҳизбуллоҳи Лубнон рӯзи якшанбе бо судури баёнияе эълом кард, ки дар дифоъ аз Лубнон ва мардуми он ва дар чаҳорчӯби посух ба таҷовузоти душмани исроилӣ дар бомбаборони рустоҳо ва шаҳрҳо, тахриби зерсохтҳо ва овора кардани ғайринизомиён, размандагони муқовимати исломӣ нови ҷангии исроилиро дар фосилаи 68 мойлии дарёӣ аз савоҳили Лубнон ҳадаф қарор доданд, ки дар ҳоли омода шудан барои анҷоми ҳамалоти худ ба хоки Лубнон буд.

Амалиёт бо мушаки крузи дарёӣ пас аз соатҳо расади ҳадаф анҷом шуд ва ба сурати мустақим ба аҳдаф исобат кард.